قصيدة بحق(( الوطن الحبيب))

[خالد محمد مهدي الحجارر]

(( تاريخ العراق ))
**************
تاريخ العراق أيشرِّف التاريخ
خط أله النجم والشجر كلماته
والامجاد يم أمجاده تتلآكه
وكلهه تنحني مجبوره لآيايته
بجنوبه وشماله بشرقه وبغربه
وينخله وفراته ودجلته وذاته
حدوده نار تلهب تشوي طير الطار
من يدكّدر يعبره يمنه عبراته
زلم نخوه حزمنه غيرة العباس
يعرفون الشريعه وخبر وكّفاته
مايرضون بالعيله التدك الباب
ونهلي بالكّصدنه ونرد عازاته
حقَّك ياعراقي تشمخ براسك
من مثلك تلوح القمم راياته
وطنه الابو وجفوفه نهر وتراب
وعيونه الشمس والشجر شيباته
جبير العمر لاكنَّه شباب الروح
ويظم صبره جروحه وكل معاناته
بقه كّلبه جلد ويشابك الاحلآم
يعرف باجر أيحققله غاياته
أله البلدان غصبا تركع وتسجد
ومتأهبه النجوم أطيع أشاراته
بلد آمن ورب الرحمه آمنَّه
من يكّدر عليه ويبوك بسماته
صاحب طيب ابونه وبخت ويشوّر
ويله النزَّل أعله خدوده دمعاته
وكّت الغيض من يغتاض شوفونه
يرد عشرينه وألنه تعود فالاته

[عاشقة ام الحسنين]

اللهم صل على محمد وال محمد وعجل فرجهم ياكريم
بارك الله فيك على
الكلمات الرااائعة
يعطيك العافية على
الطرح الرااقي ومتألق

[* || نور على نور ||*]

اللهم صلِّ على محمد وآلِ محمد
قصيده رائعه
ربي يحفظ العرآق وأهلها
شكراً جزيلاً أخي
موفقين لكل خير
* ينقل لقسم الشعر الشعبي*

[احزان كربلاء]

الله يحفض العراق وينصره امين
شكرا لك اخي الكريم

[@ميقات]

[خالد محمد مهدي الحجار]

ممنون لمروكم العذب والفيض الكريم
شكرا // ممنون