تويت
(( تبجي عيون ))
*************
تبجي عيون يامظلوم \\ جمر دمعت حزن وهموم
يل تستاهل الدمعه
أظل أمناطر الرجعه
***********
أمل يكبر \\ وأنه أتنطّر \\ صيحه من السمه تنادي
العهد قرر\\ أجي أحضر \\ وجايب شوكي وودادي
يقبلنني برجه منَّه
وأبد ماأبتعد عنَّه
هذا اليوم الاتمنَّه
أسعد يوم لو عشته \\وأطيرن فرح لو شفته
الفرحتي ما تلم وسعه
أظل أمناطر الرجعه
***********
دمعي هل \\ كلبي أنسل \\ عله جروحك على روحك
لاماذَل \\ أبد مامَل \\ ينوح الدمعك ونوحك
بجيت اصحاب ومروَّه
ندبت اولاد والخوَّه
حكهه روحي ألك تهوه
مايكفي العمر لبجاك \\ مايسوه العمر للولاك
حال الدنيه شيجرعه
أظل أمناطر الرجعه
***********
يرايته \\ ألّي جمعتنه \\\ وياهه نمشي درب النور
يآيتنه \\ يغايتنه \\ حقيقتنه عهد وظهور
سيف ورايه منصوره
كل واحد أله دوره
بظهوره توضح الصوره
أهل ياليتنا أتاني \\ بجفَّه أمر ربّاني
كصدنه طفوفه والبضعه
أظل أمناطر الرجعه
***********
حسيني الروح \\ ألِم جروح \\ وروحي انذبحت بطفَّه
أَعَلم النوح \\عليه أينوح \\ وبناري أشب وطفه
هيهاهته قدر محتوم
هيهاته نصر مظلوم
بكل أيامه لاخر يوم
بشموخه سيد الساده \\ تتواضع أله القاده
النصر من مبداءه أنصنعه
أظل أمناطر الرجعه
***********
سلام الله \\ عله القبله \\ معقل كعبة الاحرار
الظلم ذلَّه \\ المجد علَّه \\ ألبناه بدمَّه ما ينهار
بروحه ودمَّه أحيانه
المجد والعزَّه عنوانه
حي وعايش ويانه
أمان الدنيه تضحيته \\ يوم الشابك منيته
رسمهه بكربله الفجعه
أظل أمناطر الرجعه
تعليق