المساعد الشخصي الرقمي

مشاهدة النسخة كاملة : دارميات متفرقه


خالد محمد مهدي الحجارر
13-01-2014, 11:25 PM
(( دارميات متفرقه))

*****************

كالو حلو وحباب بالعجل تنحب

من بلشت ويـــــاك الكّلب شيَّب

**********

وجه الضحك ويّاك غايته أعرفهه

لو يسمعك تنخــاه ورجله يخفهه

تدري اليضحكك ليش كاعد يضحكك

هــوَّه أول الشـمّات هــوَّه اليفضحك

**********

من كال عل جذّاب يصدك بوعده

حجاية صدك ياناس مانلكّي عنده

يحلف هواي أيمان والقبض بعدين

حبــــل الجذب ويّاه أيوصلك لوين

***********

لاأمس لاهل اليوم حظّـــــــــي جفاني

بهل الدنيَه من مزمان بهمومي أعاني

طلَّكَت دنيَه العوزا ما أشتريهه

بذّات دوم وياي جا شلّي بيهه

ثكَ الحمل ياناس علني وجلّيت

باجر بعد ماجاي من عنده ملّيت

***********

يوم الاصبّح بيه مظلمه شمسه

يفرح بدمع العين صايله ونسه

مايوم بيَّه أيمر ووجوه تضحك

ياحـــــال لدّاريه لازم يفضحك

**********

واكع بخنكّه وضيج وتعاين الناس

أميَن اجيب أحساس للماله أحساس

الوِصَل بين الناس حبـــل المودَّه

أتشوفه ما يحتاج من كلشي عنده

***********

للخوَّه هم عازات توكّف لهلهه

مثل البطل عباس لخته كفلهه

دوّر لخوك اليوم سبعين محمل

ولو جفَّه دك الباب لعذارَه اقبل

***********

ليل الظلم لوطال مادايم الحال

باجر يشع النورمهما الدهر طال

***********

* || نور على نور ||*
14-01-2014, 02:31 AM
يعطيكم العافيه علي الدراميات الرائعه
وفقكم الله لخدمة محمد وآل محمد
تحياتي

محـب الحسين
14-01-2014, 06:00 AM
أحسنت اخي العزيز

ينقل لقسم الشعر الشعبي

خالد محمد مهدي الحجارر
14-01-2014, 06:20 AM
شرَّفني مروركم الكريم وأسعدني
شكرا \\ ممنون

عاشقة ام الحسنين
20-01-2014, 08:57 PM
اللهم صل على محمد وال محمد وعجل جرهم ياكريم
شكرا ع القصيدة المباركة
بوركت لقلمكم المبارك
على ما نثرت وكلماتك في غــــــــايه الروعه
سلمت يمناك على الدارميات الراائعه
ويعطيك العافيه

خالد محمد مهدي الحجار
19-10-2014, 08:41 PM
ممنون لمروكم وفيضكم العذب
شكرا // ممنون