تويت
((لاوَن))
صحيح أحلامنه للصبــــــر لاوَن
وأبد منصيح نطوي الجرح لاوَن
يالحاقد تصل ويّانــــــــــــه لاون
شيعه ونحب حمّاي الحميَّه
*************
يـــــامُر
مر المُر علينـــــــه صار يامر
مَر مرّات ضعنـــــي مُرّه يامر
مرار المٌر حملنه وصحنه يامر
جرعناك بمرار الغاضريه
-------------------
بحرين
وحق ربّي الخلق برزخ البحرين
بموج الدمه عقل وروح بحرين
تصل حبل المودَّه بناس بحرين
بجف بجف على اهل الرديَه
----------------------
كفكف
علي دموع اليتامه بطيبه كفكف
ومساكينـــــه بعطاه للظيم كفكف
وميازين العدالـــه بحكمه كفكف
وأبد مامال ميزان الرعيه
------------------
منَّـــــك
المودَّه والمحبــــه وصل منَّك
فضلك عله الشيعه وصل منَّك
مفتاح الجا بوصل منَّــــــــــك
صك موقّعه حامي الحميه
-----------------
أشتَراني
يمبغض حيدر أهواه أشترانـــي
بعت روحي أله وهوّه أشتراني
وآنه الوفه بطبعـي أشترانــــــي
تريد الروح بمحبته المنيَّه
--------------
لسلآكم
زمنّه بسيف والسم سلسلاكم
وصل للغاضريه سلســـلاكم
نسه الباري بجلاله سلسلاكم
ألأوائل بقتدار عله البريه
---------------
مرهم
عليَّه أخوَتـــــي أيردّون مُرهم
يبويه جروحي ماينفعهه مرهم
بعــد فركاهم أويه النوم مرهم
تساهر دمعتي ونوحي سويه
***************
أولهن
لاهاجر وســــاره أنعد أولهن
ولابلقيس تزَّعــــــــــم أولهن
آيـــــــــات السياده الله أولهن
وعليهن سادة الزهره الزجيه
***********
حسنهه
عمر لايـــــــــام مايلفي حسنهه
غدرت بالوصي وسمَّت حسنهه
شحـلات العاقبه الينطر حسنهه
كرامه ونور من رب البريه
*****************************
لونهن
المصايب رجَّن ضلوعي لونهن
أسيره أمسيت لهمومـــي لونهن
ريت أيامي جافنّـــــــــي لونهن
وخذنهه الروح بعد أبن الجيه
*********************
تعليق