تويت
(( شيّال العلم ))
***-----------------------***
أنهض يشيّال العلم للحـــــــــرم وايتام
لمَّن طحت عالمشرعه حرگوهـا لخيام
-------------------------
أنهض يخوي الحالتي أوعاين عليَّه \\ وحَّدي أتخلوني أبهظم رحتوا من آديَّه
ترضاها لختك غيرتك تمشي سبيّه \\ من بعد ݘفّينك علينه أتجور ظــــلآّم
-------------------
ݘفوفك يظلَّن عالنهر ماترجعلنّـــه \\راسك بعامود أنهشم ضيَّع أملنــــــه
متوسدَه الغبره الغيره والمحنَّــــــه \\وحگها العين أتساهر أبدمعتها متنام
------------------
لارايتك لاجودك أولا زود ݘفَّك \\ أبأجمل معاني الوفه ومروَّه أوصفك
هاي اليتامه تنتظر عباس عطفك \\ بلݘن ترد بالمـــــــــاي وتهوِّد الآلآم
--------------------------
محتاره مابين الخيم يانار اطفي \\ ياجرح من جرح اليتامه اليوم أشفي
كلها لعد خيمتي من الخوف تلفي \\ جارت علينه كربلــــــه أبسود ألايام
-------------------------
ويّاك أجيت أمأمنه والرايه خدري \\ صبري عله ݘفَّك اعتمد يابعد عمري
ودريك حاضر للأشاره برهن أمري \\ الزمن بيكم من غدر ضيَّع الاحلام
************************************************
تعليق