الايمــــــــــــــــان حب العتـــــــــــــــره

[خالد محمد مهدي الحجارر]

بالعتره نبينه وصه والقران**هم اصل العدالة وخيرة الرحمان

الايمان**حب العترة

الميزان**حب العترة

************

اخر يوم من عمره النبي وصه**وبهاي الكرامه الباري من خصه

حته الناس يطيها بعد فرصــه**بكاتب الله وعترتي تحفظ الاديان

الايمان**حب العترة

الميزان**حب العترة

***********

دواة وقلم گال انطوني اخطلكــــــم**كاتب ابئيدي اخطنَّه حفظ الكـــــم

وبعدي مايشت عن الدرب واحدكم**من هل الساعه حتى اخر الازمان

الايمان**حب العترة

الميزان**حب العترة

***********

ماحفظوا احاديثه وله أوصيتَه**اول مابدوا غدروا باهل بيتـــــه

اصلهم هذاكل واحد وتربيتــــه**ومن يوم السقيفه سَنَّوا العدوان

الايمان**حب العترة

الميزان**حب العترة

***********

يدرون ابعدل حيدر واحكامـــــــه**يرد شرع الرسول ونور ايامـــــــه

ابعهد حيدر الظالم يخسر احلامه**وذليل الباطل بحضرته ايرد خسران

الايمان**حب العترة

الميزان**حب العترة

***********

من اول اشاره حرموا الزهــــره**ايادى اعله الظلم متمكنه وقذره

سلبوا حگها هاى الروح للعترة**شاهد عالورث ماقبلوا وبرهـــان

الايمان**حب العترة

الميزان**حي العترة

***********

اگصدوا عالباب حرگوها ابلهيب النار** وصيه من نبينه يصبر الكــرار

او گع اول شهيد ابعتبتݘ يــــادار**وضلع مكسور من عصرته للبسمار

الايمان**حب العترة

الميزان**حب العتره

***********

بݘـه المحراب لمن فارك احبابه**اذان الله شيگول وشرعه وكتابه

حته الملك ينعه لوعة امصابــــه**من دين الرساله اتهدمت اركان

الايمان**حب العترة

الميزان**حب العترة

***********

الحسن عامر مضيفه الكرم عنوانه**وقع العهد حافظ عله دمانـــــه

لجن ابن الدعيه للعهد خانـــــــــــه**خط جور وظلم خطك يبن سفيان

الايمان**حب العتره

الميزان**حب العترة

**********

اّه وحسره واّلآم ودماها العين**من اتمر علينه حروف اسم حسين

احيَه ابروحه وبدمه حياة الدين**اتروّت كربله ابدمه الوگع عطشان

الايما ن**حب العترة

الميزان **حب العترة

******************************************

[خادمة فضه]

جزاك الله تعالى احسن الجزاء
موفق لكل خير

[خالد محمد مهدي الحجارر]

شرَّفني مروركم الكريم وفيضكم العطر
شكرا\\ ممنون

[عاشقة ام الحسنين]

اللهم صل على محمد وال محمد وعجل فرجهم ياكريم
شكر لك على
الكلمات الراااائعة
بارك الله فيك على
الطرح الجميل

[خالد محمد مهدي الحجارر]

ممنون لمروركم وفيضكم العطر
التمسكم الدعاء
شكرا ممنون