تويت
اسم القصيده ( المفطوم)
==================
يامحروم شرب الماى يامحروم
بــعدك بالگماط وبالسهم مفطوم
******************
صبخه گـــــاع ريجه للطفل ونشف
ويـــــن الماى عنك من جفه ونشف
انه ادرى حرمله گلبه صخر ونشف
**دموم بشفتك من منحرك لدموم
***************
رمه ابسهمه دليلك حرمله وضنــــك
الوسعه عليك ضاگت والدهر وضناك
يبو اليمه التحمله مَرمَرك وضنــــاك
**مظلوم عله صدره يحضن المظلوم
**************
عساهه انشلت أيده للسهم من ســـل
ليلـــــــــي بنوح اگظي والكلب منسل
جوابي دموع عينـــــــي للنشد منسل
**مهظمه دمعتي والگلب مهظوم
*************
نشد صدرى الحضن عن ردته مايه
ثــــــدى واحد حليب وثاني اله مايه
لوّعني الــــــدهر شعرف شنو مايه
**جيثوم عله صدرى نايم الجيثوم
************
من غصن الورد ابني انگطع ورده
ومن سهم النحـر صار الدمه ورده
التعب ضاع ودليلي انـــطعن ورده
**مرسوم الحياتي هل سده مرسوم
********************
مافكر بــــــــــــــعد ايامي ماعدها
غيرك يعبد الله ربابــــــــه ماعدها
نوحي وحسرتي ودموعي ماعدها
**لاخر يوم دمع الدمه لاخر يوم
***********
الروح اتظل عليـك ابشـوگها ولها
وعنّك مايغرني هالــــــــدهر ولها
من نورك جفاهه الروح ظل ولها
**دوم ونين والحسرات ظلن دوم
*******************************
تعليق