تويت
((جيش أبوحَّده العباس))
*************************
جيش أبوحَّده العباس يوم الطف
ماياذن حسين أيحارب العسكر
لأن الغاضريـــــه بساعه ينهيهه
أويوكِّفهم قصاص بساحة المحشر
جم رايه الحسين أطاهه لصحابه
كلهه برايــــــــــة العباس تتستر
أخو خيته يلم الموزمه الصعبه
والرايــــــــه بيمينه تعله تتبختر
رباته العلي للكلفات يكَصدهه
على رهن الاشاره حاضر أمحضَّر
يغطّي برمش عينه جم جرح ينزف
يحاجي عضيده خويه بعد شتصبّر
نـــــــــــــار بكَلبي ويميني تعاتبني
سهله هاي عالاصعب أنه الاكَدر
أرخصلي يوالي وشوفني بعينك
تالي رخصَّه عله الماي مو أكثـــر
لعطاشه الخيم جودك يروّيهه
رد بالماي وعليَّــــــــــه لتتأخّر
كَصد للماي والتمت الغدّاره
لاجن من بعيد أعليه ماتكَـــدر
حضن شط الفرات بجود دمع أطفال
لم النهر كلَّـــــه وجوده ماجزَّر
بين العذب وشفافه مسافة ود
وفه لحسين حتَّه كطعت المنحر
يكَل للروح هوني بعد أبو السجاد
اليبيع الدنيه للآخره مايخسر
وشياطين أُميَه أتصيح منَّه الغوث
غضب بالساحه نازل منَّه تطّيَّر
ترجف من خيال السيف لو مرهه
تتلآفت بخوف أو بالهوه تعثر
ملك الموت مالحَّك يعد أركَاب
أتحيَّر ويَّه أبو فاضل مثل حيدر
تعليق