تويت
((1)) حبيبي اعله الثره
***********
حبيبي أعله الثره سابح بدمَّه
سألوهه لعيوني \\ يلَي تلومني
جثته فاركت والهظم شفته
**************
صحت بصوت يالمِبِعد غبت والظيم غطّاني
بجه كَلبي بجت روحي وبجه أويه النوح وجداني
جزه دمعي دمع يعقوب ومثل أيوب أيماني
بعد ويَّاه أخذهه الروح يعمري وياي شمتاني
أريد أشبكَه وتوسد تربته
خذوني كوَّه منَّه \\ ماخلوني أحضنه
ألوم الروح فوك الغبره عفته
**********
أرفع خدري بجفوفي وادعي الله عليَّه أيعود
لومه الوعدعندي وياه وهوَّه أبهل الوعد موعود
أودعه بدمعت عيوني صبري أيوّفي أله لوعود
أمشي أميسَّره للشام م، غيره أرد ردود
سبيَّه أمشي بدمعي ودمع الاطفال
والنار بخيمنه \\ وعالغبره زلمنه
بيتامه حيريتي ياهو الاسكته
************
الاماني أنسبت والاحلآم م، أنذبحت الغيره
تلهب خيمتي بدمعي بأيده تصفك الحيره
بعد ياأصعب أيمرني من اجبيره لجبيره
حمل متني ثكل بعده غريبه ماألي ديره
ياجرح الاداوي من جروحي
من ذبحوا أملنه \\ أنضربنه ونشتمنه
يموت شبيك عمري ماأخذته
***********
سجج ودروب أمشيهه بجه حالي عله حالي
الشمس ماشافات عيوني بظيمي شافت خيالي
آنه الجنت أكَولن آه أخوتي توكّف كَبالي
وحيده صفيت بهمومي وجنب أمحسبَّه أبالي
ألمن أنخه وترجه يجيني
الزمن ماريد مِمنَّه \\ أتصبَّر عله المحنه
آنه بصبري وأيماني خذلته
*************
تعليق