تويت
اسم القصيده ( اخر ليليه) @@
==================
الليليه ّ وباݘر ابگه ياولي ويّاك**تشوف العين تالي عله الوطيّه دماك
يبن امي تخلّيني ** وحدي بدمعي وونيني
****************
يا ليل الفراگ الصبح ماريــــــــــده**طول ليلك الــــيوم
لخوي الموت باݘر ياخذ ابأيـــــــده**ويفارگني لـــلدوم
حزني اعله الزجݘيه وحيـدر يزيده**والحسن المسموم
گلبــي منطعن او فحرته بعيـــــــده**ماتجليها لهمـــــوم
بحسرات والم وآهات
ومرارة فرحَة الشمات
يا ليل الحݘي ماينفع اشجاك
**************
اصبّح والدمع مافارگ عيونـــــــي**دمعه اباثر دمعـــه
وسفه اعله الزمان الخان بضنوني**ولگلبي صدعـــــه
حمل فوگ الحمل انهدمت امتونــي**ياهم الاجرعـــــــه
عله ايساري يميني اصفگ تخلوني**واحزاني التودعه
يحسين العمر انتـــه
يريت اليوم ماعشته
بعد عزي وحيده وأصرخ حماك
**************
تحملني الامانه وتدري باحزاني**من يوم الزجيــه
تخليني وحيده بين عدوا نــــــي**بارض الغاضريه
بعد اليوم دهري وياي شمّتانــي**مصباح الرزيـــه
أدلل ݘنت مابين خوانـــــــــــي**الطف ايعم عليــَه
كلكم عالثر نيّــــام
نار اتشب بالخيام
ماتسمع صريخ ايتامك التنخاك
**************
ياعين التشوف الاكبــر ابهل اليوم**وماتنطفي هل عيـــــن
شيصبر ليله بفراگه وشجيبه النوم**حيره بين لثنيــــــــــن
تصد بعيونها للحومه يامظلـــــــوم**ابجاهك تدعي يحسين
تريده ايرد علي يمها يظــــل للدوم**يصرعه لاكن البيـــــن
ليله شافت المنظر
من الاكبــــر اتوذر
وي ونها اون من اسمع ابݘاك
*************
العريس جاسم حنِّته امحضـــره**ياشمعة شبابــه
بلݘن للحسن انفرحه والزهــره**ابلمة احبابـــــه
رمله حايره ومختنگه بالعبـــره**اشوطوّل غيابه
تريد اتحنّي ائيده وبالگلب حسره**ماتبدي ابعتابه
لاحنّتَــــــــه لافرحت
يمها فرحِتَه انذبحَت
عله صدرك تجيبه ويعثر امشاك
*************
رباب امَّين ماي اتجيبه لليرضع**الماي أشيجيبــه
طفل عشان يصرخ ابـد مايهجع**وبگلبي نحيبــــه
ابغير حليب امه ابد مايقنــــــــع**وهاى موغريبـه
الغريبه والعجيبه حرمله يطلـــع**وبسهمه يصيبه
دليلك انطعن ودمه
مالك حيــــل لاهمه
ونبلة حرمله بمنحرك وحشاك
*************
باجر لو لفانه الظيم وى البيــــن**بالنــــــار أوبالسيوف
اصيحن وين عباس الكفلني وين**خلّه ايعايـــن ايشوف
مايبقالي غيرك من توفّي الديـــن**هم مطلوبـــه لجفوف
فوگ المشرعه نايم طفيَّه العيــن**أمن مصايبها لطفوف
ابعامود الراس ويلي انصاب
عله جوده الدمـــــــع سݘّاب
صحنه الرجه بيمن بعد يمناك
==================
الليليه ّ وباݘر ابگه ياولي ويّاك**تشوف العين تالي عله الوطيّه دماك
يبن امي تخلّيني ** وحدي بدمعي وونيني
****************
يا ليل الفراگ الصبح ماريــــــــــده**طول ليلك الــــيوم
لخوي الموت باݘر ياخذ ابأيـــــــده**ويفارگني لـــلدوم
حزني اعله الزجݘيه وحيـدر يزيده**والحسن المسموم
گلبــي منطعن او فحرته بعيـــــــده**ماتجليها لهمـــــوم
بحسرات والم وآهات
ومرارة فرحَة الشمات
يا ليل الحݘي ماينفع اشجاك
**************
اصبّح والدمع مافارگ عيونـــــــي**دمعه اباثر دمعـــه
وسفه اعله الزمان الخان بضنوني**ولگلبي صدعـــــه
حمل فوگ الحمل انهدمت امتونــي**ياهم الاجرعـــــــه
عله ايساري يميني اصفگ تخلوني**واحزاني التودعه
يحسين العمر انتـــه
يريت اليوم ماعشته
بعد عزي وحيده وأصرخ حماك
**************
تحملني الامانه وتدري باحزاني**من يوم الزجيــه
تخليني وحيده بين عدوا نــــــي**بارض الغاضريه
بعد اليوم دهري وياي شمّتانــي**مصباح الرزيـــه
أدلل ݘنت مابين خوانـــــــــــي**الطف ايعم عليــَه
كلكم عالثر نيّــــام
نار اتشب بالخيام
ماتسمع صريخ ايتامك التنخاك
**************
ياعين التشوف الاكبــر ابهل اليوم**وماتنطفي هل عيـــــن
شيصبر ليله بفراگه وشجيبه النوم**حيره بين لثنيــــــــــن
تصد بعيونها للحومه يامظلـــــــوم**ابجاهك تدعي يحسين
تريده ايرد علي يمها يظــــل للدوم**يصرعه لاكن البيـــــن
ليله شافت المنظر
من الاكبــــر اتوذر
وي ونها اون من اسمع ابݘاك
*************
العريس جاسم حنِّته امحضـــره**ياشمعة شبابــه
بلݘن للحسن انفرحه والزهــره**ابلمة احبابـــــه
رمله حايره ومختنگه بالعبـــره**اشوطوّل غيابه
تريد اتحنّي ائيده وبالگلب حسره**ماتبدي ابعتابه
لاحنّتَــــــــه لافرحت
يمها فرحِتَه انذبحَت
عله صدرك تجيبه ويعثر امشاك
*************
رباب امَّين ماي اتجيبه لليرضع**الماي أشيجيبــه
طفل عشان يصرخ ابـد مايهجع**وبگلبي نحيبــــه
ابغير حليب امه ابد مايقنــــــــع**وهاى موغريبـه
الغريبه والعجيبه حرمله يطلـــع**وبسهمه يصيبه
دليلك انطعن ودمه
مالك حيــــل لاهمه
ونبلة حرمله بمنحرك وحشاك
*************
باجر لو لفانه الظيم وى البيــــن**بالنــــــار أوبالسيوف
اصيحن وين عباس الكفلني وين**خلّه ايعايـــن ايشوف
مايبقالي غيرك من توفّي الديـــن**هم مطلوبـــه لجفوف
فوگ المشرعه نايم طفيَّه العيــن**أمن مصايبها لطفوف
ابعامود الراس ويلي انصاب
عله جوده الدمـــــــع سݘّاب
صحنه الرجه بيمن بعد يمناك
تعليق