تويت
************************************************** ********
اسم القصيده (( العين لاتنام))@@
=================
ياحسين دمعتي**قد جرت يماهجتي
عيني لاترضى تنام
*************
عيوني النوم جافيهـــــــــا**ابقه ليلي سهرانــــــه
وحسب ݘم سهم مض بيك**ونته جروح عطشانه
وفكّر ظيم يـــــــــوم الطف**گلبك اشكثر عانــــــه
سلاني ســـــــــــهم المثلث**ريت انصاب بي اّنـه
وعندما صرت وحيد
وناصراً منّا تريـــــــد
الصدى عاد الكلام
*************
جسمك شفته مملي سهام**مثل شوك الگنافذ صــــــار
وعينك تنظر ابحـــــــــيره**تعاين هالجثث طشـــــــــار
انجوم اموسده الغـــــــبره**أمن آهلك وخوتك وانصار
وانه عيوني تجــري دموم**وبجبدي لهيب النــــــــــار
وماشَعرت بـالهوان
مهما يعادينا الزمان
سوفَ ياتينا السلام
*************
الشمر يتعنَّه گاصدلك**تحقق حلمك الشّفتـَــــه
وراسك عالرمح ينشال**هذا دينك الردتـــــــــه
ذكره ينحيي بالـــــــــدم**وعد الباري حققتــــه
تمنيت العمر يخـــــلص**وموتي وياك واجهته
وحـــــان الان الوداع
وضعني سار للضياع
اصبح الصبح ظلام
*************
الرعب والرهبه فزعتنــه**وحراير طاحن ابناريــن
بݘينه صرخه تتعالـــــــه**بيهه انــادي أ يحسيــــن
كلنه وياك موعودـــــين**يبو اليمه نوَّفي الديـــــن
بسبينه ولوعـة المهظوم**مشينه ابهمنه نورالعيـن
دربنا امسى طويل
بالبكاء والعويــــل
وحدى فينا اللاّ م
***************
أمودع بالله ابو السجاد**اعوفك دامي عالغبره
ظامي ودامي ومســلب **وجسمك الهوه ستره
تگابل جدك مخضــــــب **عنه اوعنك اتخبـــره
تگلّه جدي هظمونــــي **مثل ماهظموا الزهـره
والخدر امسى يستجير
ورأسك الدرب ينيـــــر
والقلب مطعوناً سهام
************************************************** *************
تعليق