\ قصيدة يجاسم حنَّتك دمَّك

[خالد محمد مهدي الحجارر]

اسم القصيده ( حنتك دمك) @@

=================

يجاسم حنتك دمك**فدوه اتروح الك امك

رد للخيمه يبني وبيدي ازفنـَّـــك

وفرح من ترد وبحضني أضمنَّك

*******************

گلبي اتنـاك+ اخذه ويــاك**عن حر الشمس يبني يفيّـــــــــــلك

اخذ الروح+ گبل لتروح**تصير الروح الك سد وتوفيلــــــــــك

ســــالم رد+ علينـه انود**ادرى ابروحي اهضمك لمن اشكيلك

ماي العين+ وفّي الديــن**دموعي اتسيل دم ونوحي ينعيــــلك

انهدم حيلي على حالك-**- شفتهه تموت امالك

انه الهليوم ياعريس اعدنَّـــــــك

وفرح من ترد وبصدري اضمنكَّ

******************

دهرى مال+ ليلي طال**اشعنده وياى دهر من رماني بيك

ايامــــــــي+احلامـــي**تتمنه يجاسم لو يرد ماضيـــــــــك

باصرنــــي+ وصبرني**يتيمه الزفه يوديعه تدور عليــــك

ماأنه امك + فده الاسمك**الحلم يكبر وتمنه احني ايديَــــك

ودموعي عله الحنه-**- آ يوليدي يمݘنه

يريت وياك بالحومه ورد عنَّـــك

وفرح من ترد وبصدرى اضمنَّك

*******************

اعيش اليوم + محمله هموم**احلامي سراب اوى الشمس تظهر

ݘبد لايـــــب+ علــه الغايب **مثل الماي ينشف بالهو والحــــــر

هل الفرحـــه+ من صبحــــه**مثل طير اليهاجر ويه سرب الـــبر

نــــوحي ون+ ابليلـــي الجن**على زين الشباب أݘبود تتفســـــر

شبابك شيَّبَه العمرى-**- ونيني سلوتي صبري

لون بيدي العمر يامه اردنَّــــــك

وفرح من ترد وبصدرى اضمنّك

*******************

المنايا دروب+ مشتها النوب**وصلت خيمگه ودارت على فرحـي

طفت شمعــه+ الدمه دمعـــــه**گلت للّيل طول ولايجي صبحـــــي

شمت بيَّــــــه+ ابلياليـَّـــــــــه** الدهر من عاند ايامي على جرحي

حزن واهات + واللوعــــــات**مانه الفاگده ابرعريسه اتضحــــــي

الگلب ينده عله نبضه-**- يمه ارجع اله او رضّه

اوداعت الله ياعريس اودعنَّــــــك

وفرح من ترد وبصدرى اضمنّك


************************************

[عاشقة ام الحسنين]

اللهم صل على محمد وال محمد وعجل فرجهم ياكريم
احسنت بما تنثره من درر الكلمات
شكر لك على الطرح الجميل ورااقي
يعطيك العافية على الانتقاءك المتألق

[خالد محمد مهدي الحجارر]

ممنون لمروركم وفيضكم ياعاشقة العتره
شكرا \\ممنون

[محب الرسول]

جزاك الله كل خير

[خالد محمد مهدي الحجارر]

شرَّفني مروركم ياأخي
وفيضكم العطر
التمسكم الدعاء
شكرا \\ ممنون