نوح العقيلـــــــــــــــــــــــــــــــــه

[خالد محمد مهدي الحجارر]

اسم القصيده ( نوح العقيله) @@

====================
حتَّه من البݘي يحسين منعوني**عله افراگك انوح ودمعي بعيوني

ليل نهار** دمع مدرار

**********************

مايكفي الدمع لعيوني لو صبـَّــــن**احن لايامكم وتمنّـــــــــــه لو ردَّن

مصايب هل الزمان ا بكربله التمن**كل لحظه سهم وسط الگلب يرمن

يل اتفارگوني زادت جروحـــي

تخلوني اعيش ابوني وبنوحي

خليه الدار**دمع مدرار

************************

ماتنذل لخوها مثلك وعبــــاس**يانبع الشهامه وللخدر حراس

ماظن خيمتي بوجودكم تنداس**خوّتكــم مثل تقتدي بيه الناس

عزي ݘان بيكم والعمد عالــــي

تركتوني وحيده بظيمي ولحالي

بين اشرار**دمع مدرار

************************

تعال احضرني بالشده يبوفاضل**وبݘفوفك يخويه عدله للمايـــــــل

ادرى بيك حيدر عالعده صايــل**وعامود الراس بيني وبينك الحايل

بعدني ابعازت ݘفوفك يتاج الراس

وبعدهه شدّتــــــــــي تندبك ياعباس

ابخيمنه النار**دمع مدرار

************************

يمن تحسب عليّه أيامي وتعدهــــا**اظنّك هم گلت اشظل بعد عدها

حرمه ابلا يه والي الزمن باعدها**لا ام وابو ولا اخوه تسندهـــــا

من ضلع الزݘيه الأــم بضلوعي

من المحراب أبد مانشفت دموعي

عجيبه الصار**دمع مدرار

***********************

ياجرح الاحمله المانزف ودّه**حبيب المصطفى فوگ الترب خدَّه

ولونه گوم من اصلابـه الرده**خانوها الوصيَّه ومارعـــــوا ودَّه

ياحكم السقيفه المارعه ذمه

ولَّتنه گوم مابگلوبهم رحمه

شرع كفّار** دمع مدرار

**********************************************

[عاشقة ام الحسنين]

اللهم صل على محمد وال محمد وعجل فرجهم ياكريم
يسلمووووو ع القصيدة
بوركت
جَزَاك الْلَّه خَيْر الْجَزَاء
وَشُكْرَا لَطـــرَحُك الْهَادَف وَإِخْتِيارِك الْقَيِّم

[خالد محمد مهدي الحجارر]

مع الود والاحترام

ممنون لهذا الفيض العطر ياغالي
شكرا// ممنون

[محـب الحسين]

أجدت اخي العزيز
جزاك الله أحسن الجزاء

[خالد محمد مهدي الحجارر]

شكرا لفيضكم العطر
النمسكم الدعاء
شكرا \\ ممنون

[مروه]

اللهم صل على محمد وال محمد وعجل فرجهم
بوركت
جَزَاك الْلَّه خَيْر الْجَزَاء

[خالد محمد مهدي الحجارر]

شكرا لفيضكم العطر
ودّي وأحترامي لجنابكم الكريم
شكرا \\ممنون