تويت
اسم القصيده ( شلي ابحياتي) @@
**********
بعد شلي ابحياتي هاي**وخوي حسين مابيها
زينب تنده المظـــــلوم**يشيعه خل نواسيـــها
*****************
ماظل والي يرعاهه **طاحت بين نارونــــــــــــار
نار الحركـــت خيمها**ونـــــــــاره للوكت من دار
وصلت كربله امئمنه**وضعن تحرسه أبطال أنصار
جانت بيهم عزيـــــزه** بت حيدر علي الكـــــرار
صاروا عالثره نومه **ومن عدهم خليّــــــه الدار
ماظل الهه غير عليل**عله فراش المرض محتـار
عله اخوتها الجفوا حنَّت
مهظومـــــــة گلب ردت
من يرحم بواݘيها
*****************
انطعن منها الگلب ودمه**تون وتگول من عفتـــه
سابح بالدمه المظلـــــوم**وما ضاكت نده شفتــــــه
وعيني اتعاين عالخيــــل**ابجوافرهه اسحكت جثته
الدمعه تجري مهظومـــه**لاغسلته لدفنتـــــــــــــــه
اعوفه بالگلب مطعــــون** يلمثلث الاعز خذتـــــــــه
امودع بالله ياخويــــــــــه**هذا وعدك الردتـــــــــــه
لاجزعــــت ولاكلَّت
مهظموة گلب ردت
عگبه العده سابيها
*****************
ݘفوف البــــاري كرمها**اعله جرف النهر مرميه
والراس ابعامود انصاب**وعين ابسهم مطفيــــــه
شافت جبل فوك الكـــــاع**عباس الوفه خيَـــــــــــه
سكينه اتريد منه المـاي**مانفذهه الوصيَــــــــــــه
استحه يرجــــــع للمخيم**وماجابلهه لميَــــــــــــه
يناديها يبعد العيــــــــــن**نادت اشبكه ليَــــــــــــه
عليها كربله اشخلت
مهظومة گلب ردت
ماظل والي يحميها
**********************
مكسورة ظهــــرزينب **يجاسم ياعلي الاكبــر
يعمه اتنادي عينونــي **تراني ابمشيتي اتعثـَّر
نصبنه ابخيمگه الخيمه**الزفة عرس نتحضـَّر
وعجنَّه الحنَّه ياعريس**تعال الخيمتك احضــر
لݘن من طاحت الشبان**امطبَّـــــر واحد اموذر
لاشبه النبــــــي الهادى**ولاجسامنه الازهــــر
عطاشه اورودهم ذبلت
مهظومـــــــة گلب ردت
وحيده بغربه تاليها
****************
طفـــــل عمر الورد عمره**وغصنــــه ماثبت ونشف
صدر امه يلوج اعليــــــه**من مايـــــــه وحليبه جف
حكها رباب لـــــو ناحت **وگلبها اعلــه الظنه رفرف
ياذنب الجنت أيــــــــــــده**لو فارس وكـــــف بالطف
ولاه بنحره سهم البيـــــن**من ݘف حرملــه وماعف
يلوج من العطش والجوع**وبگماطـــــه الموت التف
طفل ارضيع مارحمت**
مهظومة گلب ردت
اطفال السهم يرويها
***************
ݘم طفله وطفـــل يصرخ**تگول شلون اسكتنّه
كلها تصيح عمّـــي وين**وتخبــره الاه والونّـه
عمرها الظيـــــم ماشافت**اليبݘي ما ألومنَّــــه
عطاشه ترجه مني الماي**الماي امين اجيبنـَّـه
عاللـــر هامت من الخوف**ياطفل الالمنّــــــــَـه
يدهري منَّي اعـــز الناس**خذتهم من بگه النه
فدايه عالثره ظلت
مهظومة گلب ردت
الفجر غاب بلياليها
تعليق