قصيدة ((حب حسين دنياي وحياتي ))

[خالد محمد مهدي الحجارر]

اسم القصيده (حياتي ودنياي) @@
==================
حب حسين دناي وحياتي**وبيوم الحشر حبه نجاتي
حب سيدالجنّه**هذا الفظل منّه
وبيوم الحشر حُبّه نجاتي
***********
من صلب الصلب ماخذ محبته**اشلون انسه الذي بالذر عرفته
جنين ابرحم امي من ذكرتــــه**وبلسانـــي صحيح اسمه نطقته
گول العين گلب اطه دمعها
محبته بالگلب ربي ودعها
مااتخله عنّه**هذا الفظل منّه
وبيوم الحشر حبّه نجاتي
*************
من اول لحظه من يوم الولاده**الناس اتشوف دمعي وهاي عادة
ابݘي ابشوگ لحسين او وداده**ادري امحبّته تعنـــــــي السعاده
من صدر امي ارضعه الموده
ابوى انظر الدمعات اعله خده
جانوا وحنه صرنه**هذا الفضل منه
وبيوم الحشر حبّه نجاتي
**************
يعلموني الحݘي وتعلمت زين **يعلموني المشي ونـــــذر الرجلين
من زغرى انذرت أوفي للدين**امشي اول خطوتي ابدرب الحسين
بيدي الرايه واگصد اله زاير
وعيني تفــرح ابلمح المناير
وطوف ابوسط صحنه**هذاالفظل منه
وبيوم الحشر حبّه نجاتي
**************
ثواب الدنيه بيها اعرفت وعقاب**وكلمة شكريسمعها الذي تاب
ابمحبت حسين كلنه انعيش احباب**نتذاكر الطف نبݘي عالمصاب
شهر عاشور يجمعنه سويه
نعيش ايام طف الغاضريه
احزانه تلمنه**هذا الفضل منه
وبيوم الحشر حبّه نجاتي
**************
اهّم ابروحي وي كل الاحبه**وبشوگ الموالي امشي اعله دربه
اشما ݘانت ظروف الناس صعبه**يبيّن معدنــــــــه اليوم اليحبه
وينه العانده ابيا ذلة الحال
لانفعته السلطه وكثرة المال
حسين ايظل املنه هذا الفضل منه
وبيوم الحشر حبّه نجاتي

[خادمة فضه]

جزاك الله تعالى الجنه

موفق لكل خير

[خالد محمد مهدي الحجارر]

طيب الله انفاسكم الحسينيه
ممنون لمروركم وفيضكم العطر
شكرا\\ ممنون

[عاشقة ام الحسنين]

اللهم صل على محمد وال محمد وعجل فرجهم ياكريم
طرح رآئع
يعطيك آلف عافيه ع هالموضوع
وسلمت الأنآمـل المتألقه
على روعة جلبها وانتقائها الراقي
بإنتظار روائعك القادمه بشوووق

[خالد محمد مهدي الحجارر]

شكرا لكل حرف زيَّن صفحتي
التمسكم الدعاء
شكرا\\ ممنون