قصيده \\ لسان حال الزهراء عليها السلام مع زهيري

[خالد محمد مهدي الحجارر]

((سفره))

**************

التاريخ بسمج كتب خط بالذهب سفره

أنت الفضل فاطمه وحجايتج سفره

وي المهدي ابنج وعد ويَّاه الج سفره

ياحطب اهل الحقد هذا الجره قابله

اليحركهه باب النبي شيكَله لو قابله

المسكين ألمن يدك يباباب أله قابله

ومائدة أم الحسن مالمَّت ال سفره

**********

((قصيده بعنوان بويه عكَب مصابك ))

********

بويه عكَب مصابك \\ بويه بعد غيابك

بنار حركَوا بابي

أتعدَّوا أعله أعتابي

***********

أتعدَّوا أعله حقوقنه وسلبوهه

والخلآفه من علي غصبوهه

منوا الوصَّه بيهم وأخذوهه

وبضعتك أهل السقيفه آذوهه

للصبر جرعوني

بالبدع حكموني

بويه عكَب مصابك \\ بويه بعد غيابك

*************

فاطمه الياذيهه آذاني كَلت

ظيم صب أعليَّه مثله ماشفت

ماختني وياك عايفني ورحت

ماتمر لحظه ودمعتي ماتكت

بعدك أشظل بالعمر

بمحنتي وطول الصبر

بويه عكَب مصابك \\ بويه بعد غيابك

************

تهل دمعت عيني من أسمع أذان

جان دك اباب أحس بيه الأمان

يمَّك أرد أوصل بشوكَي والحنان

شوكت يومي يصير ماآن الأوان

سهَّر عيوني الدمع

فركَتك ما تنجرع

بويه عكَب مصابك \\ بويه بعد غيابك

*********

النار وجّوهه على بابي ودوت

صحبه جنهه ذيابه يم داري لفت

عن تعاليمك وشــــــرعك أنعمت

أمُــرملك الجــــــــــور بيَّه نفّذت

بصدري لوعات أو ونين

عمري ماراد السنين

بويه عكَب مصابك \\ بويه بعد غيابك

***********

بنيت دار الحزن وعيوني أنعمن

صرت بعدك بالمدينه بلآوطـــن

دارت عليَّه الليالـــــــــي بالمحن

بالمصايب كَلبي يافجري أمتحن

من الضلع تسمع ونين

زاد شوكَي والحنين

بويه عكَب مصابك \\ بويه بعد غيابك

*********

[عاشقة ام الحسنين]

اللهم صل على محمدروال محمد وعجل فرجهم ياكريم
احسنت بارك الله بكم
طررح جميلٍُ
دآآم.. لنـآآآ.. ع ـطائكـ.. و تميزكـ

[مروه]

اللهم صل على محمدروال محمد وعجل فرجهم
احسنت

[خالد محمد مهدي الحجارر]

شكرا لفيضكم العطر
ودّي وأحترامي لجنابكم الكريم
شكرا \\ممنون