تويت
القصيده التاليه فاعلاتن فاعلاتن فاعلاتن فاعلات
شعراء الشعر الشعبي يسمون هذا الوزن بالهجري
واسلكم الدعاء
بغيبه القائم ** صرنه احنه غياب
حاضر اويانه ** والمهدي ما غــاب
***************
طاعة الهادي وعترته ** عالبشر صارت وجوب
بغيبتــك يبن الزجيه ** تيــــــهو كثره الدروب
والبعض عاف العقيده ** غارگ ابــــحر الذنوب
مادره يضمن سعاده ** لو نوه عنـــــــــهه يتوب
كلشي مايدري ** ما عنده اسباب
يجري وي دمنه ** والمهدي ما غاب
**************
يا بشر اندل طريقك ** لا تظـــل دومك عنيد
هاذي الدروب شوسعهه ** يا درب انته تريد
ذني دربين بزمانك ** ياهو من عدهه سعيد
الاول حسين وثورته ** وثاني لدروب اليزيد
فكر بنهجه *** ميفيدك اعتاب
حاضر اويانه *** والمهدي ما غاب
***************
الدنيه متفيدك يسامع ** لا تظل بهالطريق
هيه معروفه بغدرهه ** ماتــوافي للصديق
وانته ميت لامحاله ** بالحشر نار الحريق
بالگبر لوعه ومصيبه ** وحشه مابيهه رفيق
ياهو يحضرنه ** لو اجـــه الحساب
بغيره چا ضعنه *** والمهدي ما غاب
*******************
يابشر لاتبقه غافل ** دنيـــــتك بس الخراب
افتهم مني الاريده ** وانته اعرَّف بالجواب
بدنيتك بس الاذيه ** تلـــــــــگه بالاخر عذاب
شفنه انواع المصايب ** بهالزمن شفنه العجاب
شوف دنيانه *** وانظر للارهاب
يحضر الشده ** والمهدي ما غاب
*************
ساعة المحشر رهيبه ** منهه حذرنه البشير
لو يحل يوم القيامه ** بيهه مخــتوم المــصير
يحضر الهادي وعترته ** بحكمة الباري القدير
بس درب واحد ينفعك ** ديـــــنك ونهج الامير
اهناك ابو الزهره *** وي داحي الباب
احنه غيابه *** والمهدي ما غاب
********************
كل طريق البيه مفاسد ** بنصه شيطان الرجيم
اسمع بعــــقلك واذانك ** لو چنــــت انته الفهيم
بس طريق العتره ناجح ** بغيره ما تلگه النعيم
ولو نويت انته اعله توبه ** ادعي هالرب الكريم
تلگه من تدعي *** مرفوعه الاحجاب
ننخه يحضرنه *** والمهدي ما غاب
تعليق