لسان حال رمله وليلى عليهما السلام

[خالد محمد مهدي الحجارر]

(( رمله تنادي )) @@

رمله اتنادي ليله ياهظمنه**ابكل ام فاگده الدمعه تلمنه

**شبيه المصطفى الاكبر يذبحوه

**العريس جاســـــــم دم يحنوه

*******************

شنهو الفرق بين أبنݘ وأبنــــي**الــدهر ذبِّݘ ابظيم أوياݘ ذبني

يليله ابصبرݘ وصبرى امتحني**وعليّ يحسب دمعتي واّه وني

كسر ظهري بمصابه وحيل هدّه

بعد مـــــــــــــالي امل مائله ردّه

**اموذر عالثره دامي يخلّوه

**العريس جاســـم دم يحنّوه

*****************

يم الاكبرمصابݘ مصابـــــــي**ودمع عيوني عالاكبر جوابي

من عندي خذوا زهرة شبابي**ليالي السود لوعاتي وعذابي

حزني اعله الفگدته مثل حزنݘ

والقاسم يليله الاكــــــــبر ابنݘ

**بسيوف المنايه العده ايزفّوه

**العريس جاســــــم دم يحنّوه

******************

يرمله الدمع خل نجري سويَّه**على زينة شباب الغاضريَّه

ماظل النه والي ابهل الرزيَّه** منهم أيِّسي مابعد جيَّــــــــه

منهو الَّــــي تحملها المصايب

بارض الغاضريَّه الگلب ذايب

**الشباب الذى يولونه يگطعوه

**العريس جاســــــــم دم يحنّوه

******************

ليله اتنادي رمله ام الوديعه**مصاب القاسم اعلينه فجيعه

انحرم حتَّه وردنه من ربيعه**الدنيه جازت حسين وصنيعه

شباب الغاضريه النزف دمهم

نصرت دين جدهم طه همهم

**الابو السجاد بالغالي يفدّوه

**العريس جاســــم دم يحنّوه

****************

ها ياام الاكبر هم تعبتــي**وآنه الدمعات صبتهن مهجتي

دمعتݘ التكت ويَّه دمعتي**أوّنة حزن گلبݘ ويـَّه ونتـــــي

خلي الدمع ماتنظّــــره الشمّات

شموع العلي وللعريس شمعات

**تمر بخيالنه صوره ويبݘُّوه

**العريس جاســـــم دم يحنوه

************************************************** *******

[عاشقة ام الحسنين]

اللهم صل على محمد وال محمد وعجل فرجهم ياكريم
إِنتَّقَآءٌ مُبْدِعْ ~
عُآَفٍآَكَ آَلِلَّهُ ، وسَلَمْ قَلْبِكَ
دُمْتِ بِصُحْهِ !

[خادمة فضه]

جزاك الله كل خير اخي الكريم
موفق لخدمة اهل البيت عليهم السلام

[خالد محمد مهدي الحجارر]

شكرا لفيضكم العطر
ودّي وأحترامي لجنابكم الكريم
شكرا \\ممنون