تويت
سم القصيده(بعد الرزيه)@@
==============
بعد الرزيـه **من الغاضريه
امشي سبيه**يبن الزجيـــــه
*********************
يبن أمي اخذونـي**عگب الوداع الصار
ابحقد الخيم حرگوها**وبگلبي شبت نـــار
اسمع صريــخ اطفال**كلهم غدوا طشّـــار
دمعي يبو السجـــــاد**دم يجري ليـل نهار
عفتك اموذر**بالشمس والحر
امشي سبيه **يبن الزجيه
************
تبقه الصــــــور عالبال**متجسده بالــــــــــــــــي
كل حسره كل دمعــــــه**انرسمت بالـــــــــــــــي
اتلاوه ويه الظـيـــــــــم**ماغير بحالــــــــــــــــي
كل لحظه يطفي شموع**من عمري واّمالــــــــي
واعجب عجيبه**جثتك تريبه
امشي سبيه**يبن الزجيه
*****************
عيني تصــــد وتشوف**ݘم منظـــــــــــــــرايروّع
صوت الضمير ايصيح**للعـــــــــــــــاقل ايسمــــّع
دم منحره لرضيـــــــع**لا يــــــــــــــروي ليشــبّع
الاقسه گلب هالحــــال**للعاينـــــــــــــــــه ايصدِّع
اخذوني لارض الشام** بحالــــــــــــــــــة ألمودِّع
امشي سبيه **يبن الزجيه
*****************
شيريد الزمن منَــــــه**بعد ياثمن مادفــــــــــــــوع
ݘف وعين منحر راس**گلب مطعون كسـر ضلوع
ابدرب اظلم يمشونـــــه**وسوط عله المتن مرفوع
شيجيب النــوم للمظلوم**حر اوعطش طفــل اليوع
ضعن المفاخر**ابلوعة الصابر
امشي سبيه**يبن الزجيه
*********************** ******
جراح وحــــــزن واّلام**أبقساها وأشد ســـاعات
والمر بينــــــه والادها**نظرت فرحـــــة الشمات
اّنه حسيــــــــن ماأنذل**وانه ݘفوفه الرايــــــات
صبري من صبر ايوب**اوراس عالي عالݘلمات
بت حيدر اّني**الوي زماني
امشي سبيه **يبن الزجيه
*********************** *****
صح عاده النَّه الموت**اعلينه انكتب للديــــــــن
نحيي الشريعــــه ابدم**دم حيدره وحسيــــــــــن
وهذا الوســــام ايدوم**بالرايــــــــــــــه والݘفين
صوت المنابـــــر ظل**بصرخـــــه ودموع العين
ويرف علمنه**من جروح ألمنه
امشي سبيه**يبن الزجيه
تعليق