تويت
اسم القصيده( صادق القول والفعل) @@
==============
صادق بقواله وأفعالــه**ومصايب هل الدنيه اگبالــه
يوم الطف يذكرأمصابه**وگلبه اعله احزانه سد بابه
*******************
تعاليم الرساله والشرع حكمـــه**مِله التاريخ بدروسه وحفظ علمـــــــه
بني العباس غيروا صورة الامه**نسوا حتَّه الضمير وماوفوا ذمَّـــــــــه
والصادق من وضّج دوره
يرسم للحق اجمل صوره**وللدين ايحقق اّماله
***************************
كلمن حاججه رد خايب وخســران**الصديق احتار بي والعدو ظل حيران
هوّ النور امامي وصاحب العرفان**من سنة نبينه وعلـــــــــــمه بالقران
الانسانيه علّمهه شنو الانســـــان**او بيَّن الفتن لأباّخر الازمـــــــــــــان
باطن كل آيه وظاهرها
ابعلمه واّدابه امفسرها**للحق دوم اتظل ارجاله
**************************
العمر أيمر عليَـــه اهظمة المجروح**يون ويَّه العقيلــــه من ونين الروح
ابد ماينسه جده الظامـــي والمذبوح**وأيامـــــــــــه ملاها بالدمع والنوح
عايش بالمصيبه اشلون عنه اتروح**ودمعت عينه تبني للمصيبه صروح
وزينب بالطف اميسريها**بأصعب شده اتمر وحاله
*************************
يوم الطف صور ماينسه ذكراهـــــا**ليل انهار حزنه وصبره وياهـــــــــــا
ابدور السمه فوك الكاع مثواهــــــا**ويبجي امصاب عمته وصعبه ينساها
يواسهه ويدري اشعظم بلواهــــــــا**عله ابدور السمه اتنوح خــــــــــلاها
گوم ابلا خوف اولاذمه
وگلوب المابيه رحمه**يذكر يوم الطف وهواله
************************
ابو عبد الله ظل نوره يشع للكـــــــون**ابصبره وبعزيمه دين طه ايصون
وطلاب العلم بمجلســــــــــه يدرسون**علم معصوم مامثله علوم اتكـــون
مناهل للحقيقه واثقـــــــــه المضمون**الني وآله الامانتهم ابـــــــد متخون
عدهم دين الله واسراره
ابواب الرحمه المختاره**حبل المودَّه ووصاله
*********************************
تعليق