آنه والبنين

[الشاعر ابو لقاء البهادلي]

اّنه والبنين **** نخدم الحسين
بيه رضه سيد ** نخدم الحسين
****************
حيدر اختار اللقب من احسن القاب
اربع شباب الخلفت تخدم بالاطياب
تربو بغيره وعزم من داحي الباب
للعقيله والحسن وحسين الاحباب
منهاج الولي *** غيره ماالي
وصه بيه حامي الحميه ** نخدم الحسين
*****************
اّنه غذيت الولد غيره اويــه ايمان
وابني عباس الشهم عنوانه وجدان
بعده عبدالله اجه وجعفر وعثمـــان
ادري وكت الموزمه ابطال شجعان
تربات الامير *** اصحاب الضمير
نوفي للزهره الزجيه ** نخدم الحسين
******************
حيدر ايوصي الگمر بحسينه وصاه
گله انته واخوتك بـــــــالروح تفداه
ترفع انته رايته وتمشي اعله ممشاه
تبقه والاخـــــر نفـــس يوليدي وياه
وبهذا الخبر *** محتوم القدر
بغيره والنفس الابيه **** نخدم الحسين
****************
روحي وياهم مشت من سرت الضعون
ولدي خلوني ومشو بالضعن يحـــدون
همه فدوه والضــــعن لحسين يرحون
ردته بس يرجع ألي والباقي يمشون
عمري مايفيد *** غيره مااريد
هاذي ياشيعه هويه *** نخدم الحسين
*************
من وصل ناعي الطفوف ارض المدينه
گلي اشوفنج عله ولـــــــدج حزينـــه
گتله هونك يابشر الحــــــــسين وينه
ولدي كلهم الاربـــــــــعه فدوه الولينه
مخضب بالدمه *** وتنوح السمه
اّنه واولادي ضحيه *** نخدم الحسين

[عاشقة ام الحسنين]

اللهم صل على محمد وال محمد وعجل فرجهم ياكريم
شكرا لك على الكلمات الرااائعة ومميزة
أحسنت على الطرح الجميل
بارك الله فيك

[الشاعر ابو لقاء البهادلي]

الفاضله عاشقة ام الحسنين

عظم الله لكم الاجر وشكرا على المرور