تويت
عودتني ** عالطيــبه والحُب والصبُر ** عودتـني
عودتني ** يزهي بوجـــــــودك هالعمُر ** عودتني
گلبي بمحبتك هام ** حُبك دوه آلألآم
دنياي تزهي بطلعتك يالعلمتني ** عودتني
*********
انته يالحـــــــُبك جره بدم الوريد
دنيه من غيرك يبو اليـمه شتفـيد
غيرك انته بهـــــالزمن لا ما اريد
انته لهل البـــــيت دستور وعميد
انته نبضي ** لولاك يوگف هالگلب ** انته نبضي
انته نبضي ** ماشوف لولاك الدرب ** انته نبضي
انته الهوه للروح ** بعدك يصير اجروح
يوم النويت اعله السفر ** يُمه اهضمتني
******
يالورثــت امن النبي كل الصفاة
انته للمـــــــخلص سفينه للنجاة
تدري من غيرك تعيسه هالحياة
يلفي بفراگك يبــو اليـمه الممات
شنهي عمري ** شيفيد گلي لو غبت ** شنهي عمري
شنهي عمري ** بالدنيه غيرك مطلبت ** شنهي عمري
ماارضه بالتوديع ** عمري تراه ايضيع
غابت شمسنه وانطفت ** من ودعتني
*********
من گبل ماشوفك اصرخ ياحُسين
تزهي بوجودك يبن طاهه السنين
يانْفَّس للروح يبـن الطــــــاهرين
عودتني بشوفتــــك الگه الحنين
محنه صعبه ** نورك لون عني رحل ** محنه صعبه
محنه صعبه ** بغيــابك يضيع الامل ** محنه صعبه
مااحمل آنه فراك ** جمر البعد حراك
دنياي صارت مظلمه ** يوم العفتني
******
انته من زغرك يمحبوبي الطبيب
شلون بيـــــه لو ردت عني تغيب
وين گــلي بعــــدك الگالي حبيب
گلبي بالـفرگه يبو الـــيمه يشيب
هذا حالي ** مهضومه ويصب الدمع ** هذا حالي
هذا حالي ** اتذكر بونه الضـــــــلع ** هذا حالي
نوح وهضم ودموع ** يبقه الكلب مفجوع
ادريك يُمه تنهــــــــــــــــــــــــــضم ** لو شفتني
********
تدري من ظلنه استحه حتى التراب
وسفه من بعدك نعـــــيش بهالعذاب
حتـــى لو ميه ألي من الــــــــشباب
كلهـه افديهه الك گـــــــــبل المصاب
ولدي فدوه ** توفيلي كلهه بالعهد ** ولدي فدوه
ولدي فدوه ** لو ميه افديهه بعد ** ولدي فدوه
انته الامل يحسين ** تشهدلك الجفين
لعيونك اولادي فده ** يللي اكرمتني
**********
كلنه فدوه انروح الك يبن الرسول
بيش اجـــازي امك الزهـره البتول
عجبه هالدنيـــه بمصابك ماتزول
يبني خوفي هالعــــــمربعدك يطول
مااريده ** بغيابك العمر انعدم ** مااريده
مااريده ** والحيل يايمه انهدم ** مااريده
بعدك اظل بالنوح ** ذكرك ابد ميروح
ابقه اون لمصيبتك ** هيه اهضمتني
تعليق