تويت
مَنهــا
نشد عنّي يزيد وكال منها
جلمات الغدر ماريــد منها
نار الخيم وين يروح منها
وكطع نحرك يخوي العم عليَّه
****************************
وَهَمَّــه
علينه من نشــد بعدك وهمَّه
بجاك الخـــدر بحزانه وهمَّه
بعد ما بيَّه كوَّه أصبر وهمَّه
عكب جفّينك أخذوني سبيَّه
----------------
مَرَدها
عامود الهشم راســــــك مردها
تصيح الروح من غيرك مردها
عكبك للوطــــــن صاير مردها
بهموم وحزن بنت الزجيه
-------------------
مسجَن
للمثلث يخــــــوي الكلب مسجن
لهيب النـــار وسط الخيم مسجن
عكب دار الكرامه خرابه مسجن
ودمع لعيون ظل يبجي عليَّه
--------------------
وحِجّه
أريد أكصد لبو اليمَّه وحجّه
عذر ما يبقه من بعده وحجّه
بجاه الصاحب الآيــه وحجّه
بعد ماعود لاعمالي الرديّه
*****************************
مالمنَّه
العلم من جفّه ماظن مالمنَّه
جوده من دموعــــه مالمنَّه
لون عني تأخــــــر مالمنَّه
ألوم شلون وجفوفه رميَّه
----------------------
واراك
لاشوف البكه بعيونــي واراك
ذبيح الذاري يــامظلوم واراك
حيلي من الحزن أنعدم واراك
وبكت عيني تصب دم عالرزيَّه
---------------------
تعليق