دارميات لسان حال في ذكرى استشهاد الكاظم عليه السلام

[الشاعر ابو لقاء البهادلي]

1- عن لسان حال الامام الكاظم عليه السلام

***********

بغربه وسجن مهجور خلتني دنياي

بالكظم والسجدات ذليت الد اعداي

ــــــــــــــــــــــــــ

ساجد اگظي الليل صايم اصبح

حتى القيود اوياي تقره وتسبح

ــــــــــــــــــــــــــــ

ادعي الجليل بشوگ كل ساعه ادعيه

ماخايف من اسجون بس ردت الاگيه

ــــــــــــــــــــــــ

2- عن حال لسان المهدي عج

ياجدي تعلم زين تدري بمحنتي

ماانسه ثارك يوم ذمــــه برگبتي

ـــــــــــــــــــــــ

جيتك انا بهـــــاليوم ابجي بحضرتك

وبعيني شفت اثار تزهي بـــسجدتك

ــــــــــــــــــــ

وي شيعتك هاليوم حاضـــــــر يجدي

وكلهه بالم وبشوگ منتـــــظره وعدي

ـــــــــــــــــــــ

3- لسان حال زينب عليها السلام

ياعمه كثره اليوم جـــــــــتك مواكب

وعمتك صفت هاليوم بين الـــنواصب

ـــــــــــــــــــــ

بمصابك اتعـــــــــنيت للكاظــــــــميه

وانظر يعمه بنــــوح للغاضـــــــــــــريه

ــــــــــــــــــــــــــــــ

شيــعتنه يمي بــــزود رفعت لوانه

ذكرتني بالعبــــــــــاس لمن تفانه

ــــــــــــــــــــــــــــــ

4- حال لسان الشيعه

بكظمك عبر وادروس للرافضـــــيه

ما نخشه من ظلام والناصــــــبيه

ــــــــــــــــــــــــــ

ماشفنه فد مسجون حاجه الزناجيل

واغلاله بالســــــجدات رتلت تراتيل

ـــــــــــــــــــــــــــــــ

للكاظم الانصار طلعت تشــــيعه

والمهدي جاي اليوم ياخذ البيعه

ــــــــــــــــــــ

جينه نشيعه اليوم نســـــــحگ عالجراح

ورمزي النعش مصـــــــنوع من دم الارواح
ــــــــــــــــــــــــــ

[عاشقة ام الحسنين]

اللهم صل على محمد وال محمد وعجل فرجهم ياكريم
دُمتَمْ بِهذآ الع ـطآء أإلمستَمـرٍ
يُسع ـدنى أإلـرٍد على مـوٍأإضيعكًـم
وٍأإألتلـذذ بِمـآ قرٍأإتْ وٍشآهـدتْ
تـقبلـوٍ خ ـآلص إحترامي
طيب الله انفاسكم
لآرٍوٍآح ـكُم أإلجمـيله