زينب والكاظم عليهما السلام لسان حال

[الشاعر ابو لقاء البهادلي]

آه ياعمتي العــــــقيله ** عمه عمه

روحي من اجلچ عليله ** عمه عمه

شفتي غربه ** ومحنه صعبه

**********

ليلي ونهاري من يمُر

دمعاتي ياعــمه جمُر

منچ تعلمت الصبرُ

بالسجن خلصت العمُر

دمعتي امن اچلچ اهلهه ** عمه عمه

شيعتي هاليوم اگلهه ** عمه عمه

روحو يمهه ** واوسو امهه

عمه عمه

************

عبراتي لمصابك تصُب

جمرتك تجوي بالگلُب

ياعمه ردتلي الحــرُب

هاليوم انا بنص الغرُب

ظنهم اتيسر واساوم ** عمه عمه

بغيرة الكــافل اقاوم ** عمه عمه

ربي يعلم ** بدري بالهم

عمه عمه

**************

مخنــــوگ بالـونه الهوه

بالمحنه ياعــمه سوه

وبغربتچ گلبي انچوه

يالذكرچ بروحي دوه

عبرتي من تجري حمره ** عمه عمه

بالگلب مخنوگه حسره ** عمه عمه

هاذي حكمه ** وبيهه قسمه

عمه عمه

*************

عالباب كتـــبو ارحلي

جي آنه بت حيدر علي

ظنهم ياعـــــمه انولي

وصلتلي انصار الولي

بالكفل لقـــبو لواهم ** عمه عمه

رفعو الرايه بدماهم ** عمه عمه

فكري يمك ** همي همك

عمه عمه

**************

كلما اهل عمه الدمع

اتذكر امصاب الضلع

والهضم صارلنه طبع

هالزمن مابدل وضع

انتي يافخر الطوالب ** عمه عمه

هم تجي يمچ مواكب ** عمه عمه

لو غريبه ** بهالمصيبه

عمه عمه

***************

انصاري يمي وشيـعتي

للسبي ترفض رجعتي

بالدمه علـگو شمعتي

خففو عمـــــه لوعتي

عندي هالــــــــيله المئاتم ** عمه عمه

بأسمك تواسي الهواشم ** عمه عمه

تبجي لجلك ** واست اهلك

عمه عمه

[محـب الحسين]

أجدت اخي العزيز
مأجور ان شاء الله

[الشاعر ابو لقاء البهادلي]

عظم الله لك الاجر اخي العزيز

محب الحسين

اساله تعالى ان يوفقك لمراضيه

[خادمة فضه]

جزاك الله احسن الجزاء
موفق لكل خير

[خالد محمد مهدي الحجارر]

موفق بكل حرف لهذه الخدمه المباركه
ياأستاذي الغالي

[عاشقة ام الحسنين]

اللهم صل على محمد وال محمد وعجل فرجهم ياكريم
جزيتم خيراً على القصيدة الرائعة
وجعلها الله في ميزان حسناتك