تويت
بمناسبة وفاة الامام موسى الكاظم عليه السلام
((باب المراد))
خلّوا باب المرا د\\ جثّه بجسر بغداد
وين الرافضه خل تجي أتشيعه
بهذا اليوم وتجدد البيعـــــــــه
************
كّظاه العمر ليل أمفارك نجوم \\ بسجونه يعانــــــــي
الحزن رافكّه بأيامه ولهموم \\ مسلوب الامانـــــــــي
غصن عترة الهادي اليوم مسموم \\ ويلاه من زماني
مثل جدَّه الحسين الظامي مظلوم \\ الدفنه ظل يتاني
ناطر يجي الدفّان
يهيل عليه تربان
وعليه تلتم هله بالهم تودعه
بهذا اليوم وتجدد البيعـــــــــه
************
انواع السجون العاش بيهه \\ صارن ذكرياته
عِشرة عمر ماتنسه وليهه \\ شكد ما ماذياتــــه
قيوده عليه تحن أسمع بجيهه \\ من ذبحوا حياته
الشيعه أنتظرت الغايب يجيهه \\ محب وأمنياته
عله جتاف الحماميل
ألقران وأنجيـــــــل
عيون أنتظرته بلهفة الرجعه
بهذا اليوم وتجدد البيعـــــــــه
************
دموع الحزن يجري نهرلعيون // من شافت مصابه
مات الصبح لمَّن عاف لسجون \\ أنتهت رحلة حياته
تناطر شيعته الفرحه للظنون // ماحسبوا غيابـــــــه
جسد فوك الجسر نايم ينظرون \\ ومحاوط ذيابــــه
هارون الحكمهه
للشيعه ظِلمهه
وبوعد الفرج شافت الفجعه
بهذا اليوم وتجدد البيعـــــــــه
************
سلام الله عله راهب زمانه \\ يِحسِن لليِغيضـــــــه
حتَّه أعدائه تطمع بأمانه \\ يامه كظـــــم غيضه
مايحتاج شاهد صبره عانه \\ من جوده اليفيضه
الزمان أعتذر منَّه لمَّه خانه \\ وقدَّمله عريضه
كتب بيهه أعتذاره
بخط ليله ونهاره
بسبب هذا الغدر ضاكّت الوسعه
بهذا اليوم وتجدد البيعـــــــــه
************
الجرح أيامنه تشهد ألأيــــــــــام \\ يتجدد ولاطاب
حتَّه عيونه مفاركّه الاحلآم \\ من البسمار والباب
أركان الهدايه بدين الاسلام \\ أنهدمت من علي غاب
وجبد خلَّه نزيف دماه آلآم \\ من يحمل هالمصاب
وبمخيَّـــــــم الطفوف
دموع ونار وجفوف
أنذبح بيهه النبي وذبحوا البضعه
بهذا اليوم وتجدد البيعـــــــــه
************
تعليق