تويت
لسان حال العقيله عليها السلام
((أمشي بعثرة خطواتي))
************
أمشي بعثرة خطواتي // بدمعي وبنوح آهاتي
عنَّك ياخويه أخذوني
الديرة غربه أيودّوني
***********
مسبيَّـــه / منسيَّـــه / بلا حيره حرة والشدهه متمرنـــــي
بطريق النوح / يامذبوح / وطيور الفرح يبن أمي تهجرني
تروح أحلام/ أويه الايام / دهري بكل قصد وأصرار يغدرني
سل السيف / خذاه للحيف / منَّك ياوفـــي وعباس يحرمني
ونهاري صار أظلم ليل // أخذمنّي البصر والحيل
عله دمعي لاتلوموني
الديرة غربه أيودّوني
***********
أخلِّـــــــــي العين / يمَّك وين / جسم أمعفَّر ودامي شتريد تشوف
عله صوب الشط / زماني خط / جود ورايه يبجن فاكّدات جفوف
وبالمخيَّم / نار ودم / وصريخ أطفال ماخذهه الرعب والخوف
بدرب هموم / يوم ويوم /عرس أهل الشماته بحــــرم طه أطّوف
شتحمل روحي ياصدمه // شيحمل كّلبي يالجمه
مصيبه عاشت بظنوني
الديرة غربه أيودّوني
***********
صور أفراح / لهيب جراح / والعريس لوحة عرسه ماتمَّت
فجيعتنــه / بوديعتنــه / نسمة هوى مسمومه الشمع طفَّت
من وطاهه / شبه طه / تحت جده الارض من صولته أرتجَّت
رمله تون / ليله تحن / شباب الشيب منهن كربله أخذت
بالطف ودَّعت آمالي // الغالي من بعد الغالي
وياهم ياريت أخذوني
الديرة غربه أيودّوني
***********
دمعت آه /صوت بجاه / شمالــــــــــــــــه الماي ماروَّاه للمفطوم
هاي عداي / شربة ماي / سهم صارت بنحر من الشرب محروم
مايهجـــــع / ولايقنــــــع / الله يعين كّلبك خويــــــــــــه يامظلوم
بسهم نحره / أنذبح عمره / شهوره مكّمطه وماسلم عمره اليوم
عيونه أبيضَّت عطشانه // وروده ماتت حلمانه
ريت بسهمه ذبحوني
الديرة غربه أيودّوني
***********
وعد أفعال / صحبه رجال / دون خيامي ماخلّوا خيال يفوت
تحت أمرج / زلم صبرج / لآخر نفس نحمي الخيم حد الموت
لجن الحال / ماظل حال / أحشّم والجثث تتنافس أعله الصوت
أسود الطف / الكل تصطف / ضحايا وياك ضد الظلم والطاغوت
وبكل موقف أنساني // غيرتهم تتفدّاني
جبر وغصب أتعفيوني
الديرة غربه أيودّوني
***********
تعليق