مولود (بوجداني حي،) للأمام الحسين عليه السلام

[خالد محمد مهدي الحجارر]

مولود للامام الحسين عليه السلام (حي بالوجدان)
***********--------------------*********
حسين بروحي وگلبي وعيني وبوجداني حي
سلامي وشوگي وحبي أوديه من اشرب المَي
*************

طيور الجنه تغرد بسمـه وميــــــــلاده الميمون
الاجمل حاء وأروع سين وألطلف ياء ونــــــون
مارد طلاب أعله الباب وماخيّبلـــــــــه ضنـون
كل شيعي بهل الدنيه ومؤمن من فيضه ممنون
************

حروف اسمه بعرش الله وملكه مكتوبه من نور
نوالي أنظل أنضحيله شمهما الدنيه علينه أتجـــور
شماقدمنه مانوفيلـــــــــــــــــه گطره بسـبع ابحور
من حَبَّه وأخلص بوداده تتلگــــــــــــــــاه الحور
*************

من آول يوم بميلاده أطه مهده لبشــــــــــــاره
ألگاصد ومصفّي النيه وتعنــــــــــــــــه وزاره
سكنت كل لوعاته وأمن الداخـــــــــــــــل داره
عنده أمعزب أبجفينه ايـــلاگي خطــــــــــــاره
************



مايگدر يمنعنه نزوره كائنا من كــــــــــــــــان
أفخـــــرشيعي وخادم أسمي وحسيني العنــــوان
حسين العلَمنه بهل الدنيـــــه مَعناتَة انســـــــــــان
سفينة رحمه وبشراعين أوعباس القبطــــــــان
***************

يل تنشدنه اسمع منّه احچاية ود وجّــــــــــــد
شنوصفلك اطباعه الحلوه مانگدر عالعـّــــــــد
بيوم المحشر نحضر كلنه أويسود وَجههَ الضَد
يحضرني ويشفعلي ابجاهه ومالك أيّ أحّــــــد

[عاشقة ام الحسنين]

اللهم صل على محمد وآل محمد وعجل فرجهم ياكريم
جزيل الشُكر والتقدير على نقلك القيم
بوركت وجزاك الله بكل خير
الله يعطيك العافية
وجعله في ميزان أعمالك
ماننحرم من مواضيعك النيره
وفقك الله

[خالد محمد مهدي الحجارر]

اسأل اله القبول منَّ ومنكم
ويرزقنا حسن العاقبه والثبات
على ولاية اهل البيت عليهم السلام
ممنون لمروكم العطر
التمسكم الدعاء
شكرا // ممنون