جواد المنتفجي
07-06-2009, 07:18 PM
الخوه .. مو كوه
إلى الذي تخلى عني ليتخذ من الزمن خلا له ولم يتعلم منه سوى الغدر
جواد المنتفجي
الخوه ..
مو كوه !
وخير لليجي منكم
ونعمله شما يصح !
واحنه ..
مو غربه عليكم،
ولا طمعانين بيكم
بس يمكن ابيناتنه:
شويه عشره..
شويه سوالف على المحنه ..
والجثير من الزاد والملح !
يللي ربيتني من الزغر
شلون تناغيلي بلهفة
ويبكه حالي جالطفل !
يا لعلمتني بأول أيام الصبه
شلون الهج من اغني باسمك ..
من المسه حد الصبح !
يا لعودتني أبات الليل كله
أعله لذة دفو الشفايف
المزوكه باعذب كلام
وأجمل حرف !
وكلبي ..
آخ من كلبي ،
اللي يما طمني عليك
وشكثر كال عنك
ويه كل نبضه صرت أحسها :
- شكد أنت حبوب !!
- شكد جنت وياي يابو الكلب الجبير..
عطوف وسمح !
جاشعجب تاليها عن عيني تبعد
وبمراسيلك عليه تشح ؟
شرد اسولفلك ؟
بيش أذكرنك؟
موش أنت الكلت :
- (( عش أنت .. أني مت بعدك حقا )) !!
وك شرد اكلك ،
بيش أحلفنك ..
موش أنت لأقسمت:
- ما كو غيري دوه
اليبري علتك
يللي بعت كل الناس لأجلك
وصرت انه بلسم لكل جرح
جاشعجب تاليها بيه تغدر
وبوصالك عني تشح؟
وك شرد اكلك ..
من أريد أودعك ،
وبلايه جلمة عتاب وزعل ..
روح...
الله وياك بس عاد كافي ،
وادعي من الله ..
بس ينطيني الصبر
ولو نسيت ذاك العشك كله ..
تره هذا من الله وعدي
وكلشي بالقسمة والنصيب
بس...
تبقى اعز من عيني عندي
وبالكلب أنت ..
أكثر من حبيب
(( ودم للخيانة محترفا))
إلى الذي تخلى عني ليتخذ من الزمن خلا له ولم يتعلم منه سوى الغدر
جواد المنتفجي
الخوه ..
مو كوه !
وخير لليجي منكم
ونعمله شما يصح !
واحنه ..
مو غربه عليكم،
ولا طمعانين بيكم
بس يمكن ابيناتنه:
شويه عشره..
شويه سوالف على المحنه ..
والجثير من الزاد والملح !
يللي ربيتني من الزغر
شلون تناغيلي بلهفة
ويبكه حالي جالطفل !
يا لعلمتني بأول أيام الصبه
شلون الهج من اغني باسمك ..
من المسه حد الصبح !
يا لعودتني أبات الليل كله
أعله لذة دفو الشفايف
المزوكه باعذب كلام
وأجمل حرف !
وكلبي ..
آخ من كلبي ،
اللي يما طمني عليك
وشكثر كال عنك
ويه كل نبضه صرت أحسها :
- شكد أنت حبوب !!
- شكد جنت وياي يابو الكلب الجبير..
عطوف وسمح !
جاشعجب تاليها عن عيني تبعد
وبمراسيلك عليه تشح ؟
شرد اسولفلك ؟
بيش أذكرنك؟
موش أنت الكلت :
- (( عش أنت .. أني مت بعدك حقا )) !!
وك شرد اكلك ،
بيش أحلفنك ..
موش أنت لأقسمت:
- ما كو غيري دوه
اليبري علتك
يللي بعت كل الناس لأجلك
وصرت انه بلسم لكل جرح
جاشعجب تاليها بيه تغدر
وبوصالك عني تشح؟
وك شرد اكلك ..
من أريد أودعك ،
وبلايه جلمة عتاب وزعل ..
روح...
الله وياك بس عاد كافي ،
وادعي من الله ..
بس ينطيني الصبر
ولو نسيت ذاك العشك كله ..
تره هذا من الله وعدي
وكلشي بالقسمة والنصيب
بس...
تبقى اعز من عيني عندي
وبالكلب أنت ..
أكثر من حبيب
(( ودم للخيانة محترفا))