علــي بطاري اسمك**

[ندى الحزينة]

علي بطاري اسمك اعيون اليتامى تنام

بس يغفن بألمهن والجفن يدمع

يتامى ابطونهم ما لكت حل للجوع

والما يلكة حل من الصعب يقنع

علي منين ابتدي وانت تعرفهن زين

علي الشباج اسئلة شكد قصص يسمع

علي كون بعهد جنت انت تحكم بي

ترتد العقارب والزمن يرجع

ولو مو دوم لو بس ثانية كد ما

الايتام الجياع من الخبز تشبع

لان ما تطعم اللكمة ابمقابل صوت

ما تنطيها مرة ومرة لا تجزع

علي ما جان الك يد بتجارة ومال

علي عن كل هذن من الذكر ترفع

علي ما خصصت لاجل الدعاية اموال

وما وصيت قمبر بالورق يدفع

علي اعذرني علي بس للسؤال اسباب

علي برى العراق اتملكت مصنع

تجل لو هيج ما اعرضت عن كفار

ولا وية ابن عمك بالامر تصدع

علي يم سيفك تنشز اسيوف الغير

ويبين الطافي من الصدك يلمع

علي كون الشعر مو وحي ابكيفي يصير

جا كل القصايد بس الك تطلع

وجا ما كتب قلمي بغير حبك بيت

الى ان حروفك بالقلم تطبع

علي كون القصيدة الالك بيها ابيات

على كد ما بليلك تسجد وتركع

ووكون يزخ صور غيم الخيال وياك

الى ان كل ورقتي من الشعر تنكع


وما حط بيت بيها سد فراغ يصير

الما ماخذ مكانة من السهل يطلع

علي ليك القصيدة بيها غيرة تكون

بس انكلها بسمك عل القلم تفزع

تسمعها المنصة وتنحني من اتشوف

علي بيها احتراما والخشب يخشع

تسمة قصيدة لو فقط بس بيت

ما ينقصها تكمل لو بقت مقطع

وما تخضع نقد تملك حصانة شلون

علي موجود بيها وللنقد تخضع

لو يدري علي بيها غلط موجود

جا من البداية ما قبل تطلع


م*ن
الشاعر المبدع إيهاب المالكي

[عاشقة ام الحسنين]

اللهم صل على محمد وال محمد وعجل فرجهم ياكريم
يسلمو
قصيدة روعة
عاشت الايادي

[خالد محمد مهدي الحجار]

نشر رائع أحسنت
********
اليحب حيدر علي مرتاح دنيه وآخــــره بجاله
المنيَّه أيحضره والبرزخ ويوم الحشر وهوال

[ندى الحزينة]

الله خاطرة جميلة..جزاك الله خير الدنيا والاخرة
شكرا لمروركم الراقي

[صدى المهدي]

شكرا لكم كثيرا
متباركين