المساعد الشخصي الرقمي

مشاهدة النسخة كاملة : ليالي العشر الاولى شهر الاحزان /5+6


خالد محمد مهدي الحجار
22-10-2014, 08:53 AM
آه ياليلة الخامس // شهر الاحزان

*********

ثقــه من حسين وأخيَّــه كَصــد للكوفه وأهلهه

عنده منهم عهد واضح وصــارابو اليمه املهه

بين يوم وليله بانت ناسهه أحتـــــــار شيكَلهه

سيوف صارت كلهه ضدَّه ونكَطع ويَّاه وصلهه

زلم طاعت للرذيله // العار ربحان

*****************

دارت عليه بغدرهه أبو طاهــــــــر صفه بغربه

شوارع الكوفه وسججهه عليه تاهت ضاع دربه

الوكت جابه الباب طوعه عليه طلعت ولهه عتبه

شرب ماي وأله سألت عرفتــه وحالتـــه الصعبه

الدار دارك أله كَالت // وانته الاحسان

*************

ظهرعالعدوان سيفه أطّيح منَّــه أعتــــــــه الركَاب

من يكَحمه وغضب كلّه وفي ورابي أعله الصعاب

ربات حيـــدرمايبالـــي عالعـــده سيفـــــــه الجواب

كَبالـــه مثـــل الغنـــم فرَّت ألأســــد مايخشه الذئاب

من شجاعة علي عانوا // شافوا ألوان

************

جروح لبجسمه شواهد كل جرح موقف بساله

ياحميده اليوم أبيّج بالدمـــه وفّــــه الرســــــاله

ودَّع حسين بســـلامه ونكطـــع بالود وصـــاله

وكَلب ابو اليمه تألّــم والدمــع لمصابـه ســــاله

وكعّد بحضنه حميده // جفينه أمان

***************

للعجب عجبَّــه مســلم وأخـذ من نوره الشواهد

هاي صولات المراجل تشد عالسيف السواعد

مُر على قصر الاماره وشوف ياهو البقه خالد

باب لحسين أبن عمَّه وأبد ماخيَّب الكاصــــــد

كَبته وصحنه المناره // ساد الازمان

***************************************

آه ياليلة السادس // شهر الاحزان

***********

صُحبه للفزعه زلمهه بروح لجل حسين فدوه

أهل غيره ترفض الذل للشجاعه أبطال قدوه

يبيع روحه ومايبالي وحب ابو السجاد سلوه

جبل من القيم ثابت يصب شــــــــلّآله مروه

بزود لمحبّه وفداءه // شبك تربان

*************

كل معاني الوفه عدهم وغايه ماينوصف حدهه

رجال كل معنه الرجوله بهل المواقف نبت ودهه

صحاب ماتثنـــي عزمهه الكلفـــه أيمانــه يصدهه

الموت من العســـل أحلـــه ولازم الجنَّــــه تردهه

أمسابك بدرب المنيَّه // زلم فرسان

*****************

لو سألنه شبيك عابس ونسأله شنهوا جنونه

حسين دنياه وحياته نبض كَلبه وضي عيونه

مثله مثل الحر شهامه وهذا حال الكل ظنونه

أتعاهدوا للموت وكَفه شما تضحّي مايخونه

هيَّه فرصة جنَّه وحده // تضحيه جنان

****************

يوصف أصحابه الغيارا وكلمة الحق من نطقهه

الدنيــــه ماجابت مثلهم لبغـــربهه ولبشــــــرقهه

بكربلـــه أرست مواقف عبّرت عنهه بصـــدقهه

ويَّه أبو اليمـــه وحماتــــه أروع الامثـــال حقهه

ذهب معدنهم وصافي // صور قرآن

***************

كلهه تتواصه بمحبته ماتعوفه لحظه وحده

سهام تتلكَه بصدرهه ولاسهم يوصل الحدَّه

عدهه ويَّه الجنَّه موعد بالعمر لوخلص عدَّه

يموت كون حسين سالم راحته لو وفه بعهده

أحله لحظات السعاده // من الله رضوان

***********************

خادمة فضه
22-10-2014, 09:09 AM
جزاك الله كل خير اخي الكريم

خالد محمد مهدي الحجار
22-10-2014, 04:05 PM
ممنون لفيضكم العذب
طوَّعت الحروف بحب أبو اليمَّه
وخط بالروح فوك الورق كلماتي
عسا يقبلنــــي ذرَّه بدرب زوّاره
ويرضه بدمعتي وونيني وآهاتي

ندى الحزينة
22-10-2014, 04:15 PM
الله

كلمات جميلة جدا..احسنتم ودام فيض قلمكم

خالد محمد مهدي الحجار
22-10-2014, 06:46 PM
يبقه حب حسين غايتنه وأملنه
بالحشر ميزانه يوزن كل عملنه
*****
ممنون لمروكم وفيضكم المبارك
لاتنسونا بالدعاء للشفاء
شكرا // ممنون

ندى الحزينة
23-10-2014, 11:42 AM
اللهم اني اسألك بأحب الاسماء اليك
محمد وعلي وفاطمة والحسن والحسين والتسعة المعصومين من ولد الحسين

اللهم اني اسألك بأسمائك التامات
ان تشافيه وتعافيه وتمتعه متاعا حسنا في الدنيا والاخرة بحق محمد وآل محمد

خاطرة جميلة جدا..جزاك على الحسين عليه السلام

خالد محمد مهدي الحجار
23-10-2014, 02:44 PM
ممنون لكم ولدعاؤكم
شكرا جزيلا
شكرا ممنون