المساعد الشخصي الرقمي

مشاهدة النسخة كاملة : أرهاب مايمنعنه أرهاب(( كعده))


خالد محمد مهدي الحجار
27-10-2014, 08:06 PM
( خذلان الارهاب))

====================

أرهاب ** ارهاب **مايمنعنه ارهاب

ويّه حسين خلونه

عنه ماتمنعونه

مايمنعنه ارهاب

**********

خلها تتجند علينــــــــه ناس ملتها الرذيله

مثل عرعور أو عريفي لاعشيره ولاقبيـلـه

لابصيرة عقل عــــدهم ولاحوه نور ابدليله

هاي العقول الفاسده

لله ورسوله اتعانده

ياقبله ألها ساجـــــده

گلوبهم كلها عليليه

سلاّب ** سلاّب ** ابدرب حسين سلاّب

للزاير يفجرونه

عنه ماتمنعونـه

مايمنعنه ارهاب

********

للمنع درب ابو اليمه نسأله ونعرف الطينه

ومذهبه يادين اصــله دينه مو ملة نبينـــه

ايحرض اعوانه العفنه وحقده يتفجرعلينـه

عايش اظنــــَه بالكهوف

مايعرف ابارض الطفوف

عيون عنده ومايشوف

سلاح ماعدنه ائبدينه

ݘذاب **ݘذاب **اشمايدعي ݘذاب

دين الله يغيرونه

عنه ماتمنعونه

مايمنعنه ارهاب

********************

بني العباس وامـــيه شجره ملعونه وصفهـم

خله للمايدري يعرف الوهابيه أوربهـــــــــم

شاب أرمد وصف حاله جسّمه أوصّوره الهم

وهّابي ارهابـــي قزم

وندوس راسك بالجدم

الجان گبلك هم وهم

بكل شعيره احنه نذلكم

احباب ** احباب ** خدام أله واحباب

غصبن عاليكفرونه

عنه ماتمنعونه

مايمنعنه ارهاب

***********

انته ماتعرف المعنــــه محبّته تعينها الامانه

تتبع اصحاب المصالـــح البدت ويّاه الخيانــــه

والجبان ابطبعه يغــدر شرف ماعنده وديانـه

افعالكم مو مرجلــــــه

ياهو الحفظ دينه وهله

حبنه عليكم معضــــله

حسين الله امعلي شانه

طلّاب ** طلّاب ** الثار الدمه طلّاب

ويل ألّي يعادونه

عنه ماتمنعونه

مايمنعنه ارهاب

******************

وعد عدنه اومانغيـّره أويه ابو اليمه اموقع ابدم

اشما تجور انته يظالم يجي يوم وبيه تنــــــــــدم

لملم اتباعك علينــــه ابخزيك او عارك اتقـــــــدّم

ياغبي ماتسمع نصح

لو باجر ايهل الصبح

وگبال الله تنفضـــــح

التبع نفسه توهــــــــــــــم

خنياب ** خنياب ** دم لوجره خنياب

الجنه ابحبه مضمونه

عنّه ماتمنعونـــه

ندى الحزينة
27-10-2014, 08:22 PM
خلها تتجند علينــــــــه ناس ملتها الرذيله


مثل عرعور أو عريفي لاعشيره ولاقبيـلـه


لابصيرة عقل عــــدهم ولاحوه نور ابدليله

الله جميلة جدآ وراقت لـي
جزاك الله خير ورزقك الله شفاعة اهل البيت ع

خالد محمد مهدي الحجار
27-10-2014, 10:50 PM
يبقه حب حسين غايته وأملنه
بالحشر ميزانه يوزن كل عملنه
ممنون لكل حرف من فضيكم ودعاؤكم الكريم
شكرا // ممنون