تويت
(( الوردوالياس))
************
ألمن هالورد والياس جبته
ألمن أعجنتهه بأيدي حنته
ألمن تضوي بالخيمه شمعته
ألك يالقاسم // ألك يالقاسم
*************
منتظره العمر للفرحه هالساعه
لن دهري جعلهه ساعة وداعه
يازين الشباب الحلوه أطباعه
أدري الدنيه ماترحمني خدّاعه
ألمن خيمتك يمَّه فرشتهه
ألمن يافرح دمعه سجبتهه
ألمن روحي يايمَّه أنذرتهه
ألك يالقاسم // ألك يالقاسم
**************
ألبس ثوب عرسك كَرهه لعيوني
حبيبي الغالي أريدن تسعد ظنوني
أم وحكَي أفرح خل يلوموني
يازهرة زماني بيك هنّوني
ألمن ماخذ السيف وتعنّيت
ألمن ياوفي بالدمه وفّيت
ألمن هلهلت دمعتي وبجيت
ألك يالقاسم // ألك يالقاسم
**************
هاي النار تحرك لخضر ويابس
تعنَّه الحومتك ثوب العرس لابس
حب حسين يمَّه جنّنه العابس
رمله للحسن من خلَّفت فارس
ألمن هالربه يوليدي أذخره
ألمن هالنهار يلآلي فحره
ألمن راية العز أعله صدره
ألك يالقاسم // ألك يالقاسم
**************
ماراويك دمعي وينكسر كَلبك
يوم حسين يومك أرضي بي ربَّك
شوصفلك حناني ومهجتي أتحبَّك
وساده الروح أفرشهه على دربك
ألمن هالعمر أهدي وسنينه
ألمن أطّي كَلب خل يعينه
ألمن فرحتي للنصر دينه
ألك يالقاسم // ألك يالقاسم
**************
بسيوف المنيَّه الموت يحلآلك
لتعاين عليَّه هوِّده البالك
يبعد الروح آمر يمَّه يجرالك
حب حسين خلَّه بوسط دللآك
ألمن كاصد الجنَّه تردهه
ألمن فرحة الروح وسعدهه
ألمن هالصواني بكل وردهه
ألك يالقاسم // ألك يالقاسم
**************
تعليق