الشعائر الحسينيه

[خالد محمد مهدي الحجار]

((الشعائر الحسينيه))

****************************
خلِّي ننصبهه المواكب بالعلن
ونرفع الرايات لحسين الوطن
رغم جور العده الخاواه الزمن
بالكَلب ننصبله مأتم أونِون
**********************
خل يعادونــــه ويمنعون البجي
الناصبه والغير أعني بهل الحجي
العتب عالشيعي الكَاعد منتجي

شلون بعدانه أبحسن بيهم يظن
**********************
أنت يالمحسوب عالشيعه جذب
ليش ألك وجهين وتحب اللعب
كَلبك أعرفنــــاه منافق مايحب

بس يحب الجاه والكرسي العَفِن
**********************
كل كلف نقبله بمرضاة الحسين
العهد ويَّــــــاه بالذر من سنين
الوعد لابــــــــد أله يوم ويحين

جرح بينه يظل تانيه ويأن
**********************
أنظــــــــــــر العالم وأحسبهه البدع
سحـــــــر منهه يوصل الحد الفزع
وأحنه أهل تقوى ومباديء أو ورع

من أأمتنه بشعائرنه أذِن
*********************
المجالس تحيي ذكــــــــره بالدليل
حسين أبن موسي ومحمد والخليل
حسين عند أسرع سفينه من الجليل
بحبه أبو السجاد عالعالم يمِن
*********************
نطبــــر الراس وزناجيل الظهر
وخل نعاني الظيم والمُر والامَر
حسين بجَّه كَلوبنه وبجَّه الصخر
منذبح وثلث ليالي بلا دفِن
*********************************************

[ندى الحزينة]

**********************
أنت يالمحسوب عالشيعه جذب
ليش ألك وجهين وتحب اللعب
كَلبك أعرفنــــاه منافق مايحب

بس يحب الجاه والكرسي العَفِن
**********************
الله جميلة جدا
جزاك الله خير
ورزقك شفاعة الحسين ع يوم الحشر

[محـب الحسين]

طيب الله أنفاسك
وجزاك أحسن الجزاء

[خالد محمد مهدي الحجار]

يبقه حب حسين غايته وأملنه
بالحشر ميزانه يوزن كل عملنه
ممنون لكل حرف من فضيكم ودعاؤكم الكريم
شكرا // ممنون

[عاشقة ام الحسنين]

اللهم صل على محمد وال محمد وعجل فرجهم ياكريم
دائما مميز ومبدع في اختيارك
تسلم الايادي
بانتظار كل جديدك

[خالد محمد مهدي الحجار]

يبقه حب حسين غايته وأملنه
بالحشر ميزانه يوزن كل عملنه
ممنون لكل حرف من فضيكم ودعاؤكم الكريم
شكرا // ممنون