يحادينه وينك

[خالد محمد مهدي الحجار]

يحادينه وينك // معتازه يمينك

خذوني يسيره // من ديره أعله ديره / مصيبه جبيره

*******

جنت يابو الفضل خيمة ستر خدري

ومن عيناك أشوف بعيني ضي فجري

يدهري شبيك أخذته وما خذت عمري

ما تعرفني زين ومعرفت صبري

أظل بمراري // مظلم نهاري

يخدري ومصيره // من ديره أعله ديره / مصيبه جبيره

*******

أريدن عيني تطفه من سهم عينك

ياهو ألّي يدلّيني أعله جفّينك

وقبّل يسرتك بدموعي ويمينك

ماأكَدر أعينك الله ليعينك

تطول الليالي // أعله فكَدك يغالي

تقبلهه ابو الغيره // من ديره أعله ديره / مصيبه جبيره

*******

تدري شخذت منّي من رحت للماي

وشخليّت ياخويــــــــــه يبعد جلآي

خذت ويّاك كل فرحه وأخذت الراي

على جرف النهر ماشفت نوح بجاي

الرايه خذتها // خيامي عفتها

يحيرة الحيره // من ديره أعله ديره / مصيبه جبيره

*******

يساقي شكَال كَلبك من عفت أختك

وي خدري البجاك أبجيتك أندبتك

وانته عالثره تسمعني من صحتك

بكل ظيمي اليمرني ياوفي أعذرتك

يامن وفه بوعده // أحضرني هالشدَّه

هالشدَّه عسيره // من ديره أعله ديره / مصيبه جبيره

*******

جنت أنخاك ماردّيت كلفاتي

وعن أمتوني تحملهه المعاناتي

يبو فاضل بعادك زاد ونّاتي

جفوفك وين من يمسحها دمعاتي
الدمعه جمره // وبصدري حسره

أمير وأميره // من ديره أعله ديره / مصيبه جبيره

*******

[ندى الحزينة]

جنت أنخاك ماردّيت كلفاتي

وعن أمتوني تحملهه المعاناتي

يبو فاضل بعادك زاد ونّاتي

جفوفك وين من يمسحها دمعاتي
الدمعه جمره // وبصدري حسره

أمير وأميره // من ديره أعله ديره / مصيبه جبيره

بارك الله فيك

[محـب الحسين]

عطر الله أنفاسك
وجزاك خير الجزاء

[عاشقة ام الحسنين]

اللهم صل على محمد وال محمد وعجل فرجهم ياكريم
أشكر لك طرحك المميز،،
ربي يعطيك العافية،،
و لا حرمنا من فيض عطاؤك،،

[خالد محمد مهدي الحجار]

اللهم تقبَّل منا بحق الحسين وبارك بهذا الصرح المبارك
يعجز اللسان عن الشكر
أحترامي وتقديري لكل فيض مبارك
شكرا // ممنون