ياخويه ونور عيوني

[خالد محمد مهدي الحجار]

(((ياخوي ونور عيوني))

**************

ياخوي ونور عيوني * ألمن وحدي تخلوني

************************
مر بيّه المرار اشكـــال **وتغيّر يخوي الحــــــــال
تمحّنت بحرم واطفــــل ** لانوم ولاراحــــــــة بال
دمع عيوني دم من سال**وفوك متوني حمل جبال
يسيره تالي اخذوني
***************
آنه ألما أطّـــخ الراس ** مضالّــــــــي بعد حراس
تتفرج عليّـــــه الناس **صحت أحضرني ياعباس
يـابو الغيره والنوماس**سيفك وينــــــــه يافرّاس
من بعدك يضربوني
****************
بعدك يابو اليمه أشمّر ** بالايتــــــــــــــام والخدّر
كلها أتطّشرت بالبــــر ** تلوج من العطش والحر
هذا اليوم يوم اگــــشر **بحزن ودمــــــوع نتصبّر
حته البݘي منعوني
**************
كل خيمه أطب ليها ** ماتهجع بواجيهـــــا
للنسوان أواسيهــا ** ظيم المرني مر بيها
لاجف ظل يحاميها **من عكبك يواليهـــــا
هظموهن وهظموني
**************
شفت خالي السرج مهرك **سألته عنّه شيأخرك
ماجبته علــــــــــى ظهرك ** تاليها اعرفت امرك
داست خيلهم صــــــــدرك **والملعون حز نحرك
لارض الشام ودوني
*************
يوم العزّه هذا اليوم **بيه أنصرت كل مظلوم
يظل باقي فخر للدوم **درب الشيعتك مرسوم
باجر تظهرلنه علوم **اهــل ياليت كلها تگوم
ينصروك وينصروني

[ندى الحزينة]

كل خيمه أطب ليها ** ماتهجع بواجيهـــــا
للنسوان أواسيهــا ** ظيم المرني مر بيها
لاجف ظل يحاميها **من عكبك يواليهـــــا
هظموهن وهظموني

الله..الله اعجبتني جدا..بارك الله بك وجعل الحسين شفيعك في الاخرة وقضى الله حوائجك في الدنيا

[محـب الحسين]

عطّر الله أنفاسك
مأجور ان شاء الله

[خالد محمد مهدي الحجار]

تقبَّل الله منكم ومنّا وكتبنا ممن تناله شفاعة أهل البيت برضاه
ممنون لكل حرف من فيضكم
مع الود
شكرا // ممنون

[عاشقة ام الحسنين]

اللهم صل على محم وال محمد وعجل فرجهم يامريم
أبدعت,,,,,
,,,,,,,وتألقت
سلمت لنا يمناك
على كل حرف خطته,,,