أنا السجا أنا المظلوم

[خالد محمد مهدي الحجار]

أنا السجاد // أنا المظلوم

******

مر بيَّه بهظم هاليوم من دهري

وتمنّيت حدَّه ماوصل عمري

ماشافت عيوني بي صُبح فجري

بقيت اليوم وحدي من هلي محروم

******

عله فراش المرض نايم وعيني أتشوف

كل الجره والمَرني بأرض لطفوف

وتحرَّم عليه بهل المصيبه النوم

******

شذكر من شهر عاشور وحزانه

منو المثلي الدهر بحسين أبو خانه

منو المثلي فكَد هاليوم خوّانه

دمع عيوني يجري مثل سيل دموم

******

ولتنه كَوم لاذمَّه ولمروَّه

أتوجَّه أعله سيفي وأنهض بكَّوه

هذا اليوم أبويه أحتاجهه النخوه

يكَلهه العمّتي رجعيه للمالوم

*******

أشوف الموت كل ساعه يجي خيامي

أخذ لكبر وجاسم ماتت أحلامي

ولمَّن طاح عمّي أسودّت أيامي

وغاب حسين ظامي أعله الثره هاليوم

******

عله صدر حسين مندوبات عشرة خيل

أجت بحاقدهم لضلوعه داست حيل

ألف ياويلي عالمظلوم ألف ياويل

عليه أرض وسمه تبجي وبجت لنجوم

******
لهب نار الخيام الحرك كلشي أخضر

تفر العايلــــــــــــــــــه وبرماد تتعثَّر

روحي أتكَلّي كوم وحيلي ما يكَدر

ودخان الخيام الصار جنَّه غيوم

********

آنه وحرم وأطفال بكَلب زينب

الله أيعينهه الغاليه تتعذّب

هاي أم الخدر تتجتّف وتنسب

حكهه اعله الشريعه واكَع الجيدوم

********

خذوني بجامعه أمجتفيني وبسلاسل

يسير وعلّتــــــــي كل يوم بالنازل

ياصاحي الضمير بهل الوضع قابل

على كَلبي يشيعه جبار من هموم

*****

علَّمنه الحسين شلون نحيا أحرار

ورسم ألنه مباديء منهج الثوّار

وخط بدمَّه للشيعه علآمة ثار

ويوم المهدي من يظهر أوياه تكَوم

[ندى الحزينة]

عله فراش المرض نايم وعيني أتشوف

كل الجره والمَرني بأرض لطفوف

وتحرَّم عليه بهل المصيبه النوم

السلام عليك ي سيدي ومولاي
عطر الله انفاسك..كلمات مباركة وجميلة

[خالد محمد مهدي الحجار]

اللهم صلي على محمد وءأل محمد
ألسلام على زين العابدين والساجدين
الشهيد المسسموم البرالتقي النقي
ممنون لفيضكم المبارك والدعاء الكريم
شكرا جزيلا
لاتنسونا بالدعاء
شكرا // ممنون

[عاشقة ام الحسنين]

اللهم صل على محد وال محمد وعجل فرجهم ياكريم
أحسنت على الكلمات المتميزة
بارك الله فيك

[خالد محمد مهدي الحجار]

شكرا لفيضكم العذب
لاتنسونا بالدعاء للشفاء
شكرا // ممنون