المساعد الشخصي الرقمي

مشاهدة النسخة كاملة : مجلس لزيد الشهيد عليه السلام


خالد محمد مهدي الحجار
23-11-2014, 12:19 PM
(( زيد الشهيــــــــــد)) عليه السلام

****------------------------****

أمشونه الزيد الثائر نزوره // نكحل عيونّه من فيض نوره

هذا العابد أبن العابد الحر

علّمنه عله الظالم منصبر

-------------------------

تحدَّه الظلم بيمين الاراده

يقينه ثابت أيلاكي السعاده

للأحرار يبقه القتل عاده

ووسام الفخر يوم الشهاده

شهر سيفه بوجه ظالم زمانه // لجن الدهر ماعاونه خانه

من صدر المنيَّه راضع الدر

---------------------------------------

بساحات الفخر أنصاب راسه

وسهم جبهته بي كطعت أنفاسه

عبرها المرجله أو زايد قياسه

تحدَّه الظالم أو كرسي السياسه

بطل مايقبل الذله أعله نفسه // حـد السيف كلماته وحسّه

لجل مبداء الدين أتجرّع المُر

---------------------------------------

سهم الصابه راواه المنيَّه

وخفوا جثته من جور آل أميَّه

لكن ظلوا أولاد الدعيَّه

عليه أيدوّرون أبكل ثنِيـــــــه

سفياني الحقد وآكلة أكباد // السقيفه عله زيد اليوم تنعاد

شريعتهم أبقتل الطفل أتقر

********

من جرف النهر طلِّعوا جثته

على جذع النخل صارت دفنته

كل كلب اليشوفه دم دمعته

سنين أربعه ظل راكب مهرته

ذاب اللحم والدم صفه عظمه // حته الطير عشعش وسط جسمه


ماضي أو حاضر الطف بيه نذكر

-----------------------------

سنين أعله الجذع هيكله شامخ

حته العظم بالايمان صارخ

بعقول الناس ظل موقفه راسخ

ماطاوع الذلّه ولها راضخ

رجع نمرود لجله حضَّر النار // وذرّوه الرماد بكل الاكتار

عله أحياء ذكره شيعته أتصر

-------------------------

طالع أقره أنواع المصايب

عجيبه أنشوف بيها من العجايب

يصّورون الظلم قادر أوغالب

لاتوكف بوجها او تطالب

مثل حسين ثار وحيا دينه // ياجور السقيفه أشعمل بينه

دوم الدم يظل للنور يبصر

************


((لسان حال زيد الشهي)) عليه السلام

ذكرونـــــــي

***--------------------***

ذكروني ذكروني \\ ياشيعه ذكروني

والراس فارك جثّته \\ ياشيعه ذكروني

***************

أنظر يشيعـــي مصيبتي \\خــــــل تهمل العين

عشعش الطير بجثتــــي \\ ظل أربــــــع سنين

مسلَّب وعاري من الهدم \\ جن جـــدي لحسين

واسوا الزجيـــه بهظمتي \\ وجدّي ابو الحسنين

********

واسوني واسونـــــي \\بالدمع واسوني

هذي يشيعه مصيبتي\\ ذكروني ياشيعه

****************

هذا الحقد عدهم وصل \\هل الكوم الاشرار

ماكفَّه جسمي ينصلب \\ وبراســــــي يندار

بعد الصلب اهل الكفر \\ حرگوني بالنــــــار

مارادوا أيضلّي أثــــر \\ لوگبر ينــــــــــزار

گصدوني گصدوني \\ تعنّوا وكصدوني

صبّوا الدمع يم گبّتي \\ ياشيعه ذكروني

************************

بسم الغدر راسي أنرمه \\ وأثّــر عليَّه

وبوسطه للماي أندفــــن \\ من آل أميّه

هشــــــام بن عبد الملك \\ نسل الدعيّه

آمر وطلعوا جثّتـــــــــي \\ ومثِّلوا بيَّه

صلبوني صلبوني \\ عالجذع صلبوني

يامحب هذي حالتي \\ باشيعه ذكروني

*******

أهل الرساله أحنه نظل \\ تشهد الأيـــــــام

أبواب رحمه مفتّحــــــه \\ تسعد المنظــــام

وعلينه تدرون الجــــره \\ بجُورت الظللآّم

حسِّبوا مايبقه الأثـــــــر \\ وعين الله متنـام

ذبحوني ذبحونب \\ بالظلم ذبحوني

خالده تبقه ثورتي \\ ياشيعه ذكروني

********************

يامه فتن بيكـــــم تمر\\ اصعب من المُر

خسران كلمن ماصبر\\ بطاعتنــه يصبر

لابد يهل يوم الفجــــر\\ وتبرد الحســـره

بالغدر يندار الزمـــن \\ ويبتلــــي بغدره

نصروني نصروني \\بالصبر نصروني

وتنجلي عني محنتي \ ياشيعه ذكروني


***************************************

زيد آنه أنا المصلوب

********************


ثرت لجل العداله ونصرَت المظلوم

مثــل جدّي الحسين العزم منَّ اليوم

وݘن ݘفوف ابو فاضل تلاوي الكوم

بسهم الغدر والاحقاد صابوني

*********

صابوني وخذها الروح سهم البيــــــن

صرت مثل الغريب الثار جدّي حسين

وعلى جذع النخل جسمي يظــل سنين

عاري من الهدم ياناس صلبوني

*********

صلبوني وصرت قدوه الدرب أحرار

وجسمي صار فرجـــــه للنظر والمار

حتّه عظامي حرگوها بلهيب النـــــار

رغم عدانه ياشيعتنه ذكروني

************

ذكرونـــــــــي بدمع مثل الدمه نهران

وذكروا مصيبتــــــــي وشدتها للنيران

وذكرو حسين جدي الظل عله التربان

العلي السجاد واسوا اليوم واسوني

*****************

واسوني برفضكم ظيم كـــل مغرور

وصيروا الدينكم سيف العداله وسور

يجـــــي يوم وعليكم يظهر المنصور

يموالين أوصَيكم لتنسوني

********

لتنسوني ومصيبة جدّي ذكروهـا

سنين أربعه جثتي بنخله صلبوها

بنار الغيض أمِّه بحق حركوهـــا

رادوا كبر مايبقالي ذرّروني

************

ذرّونــــــي بهمب الريح بالوسعه

خلوا العين دمعه تصب أثر دمعه

لابد يوم تاخـــــــذ ثارنه الرجعه

لصبر ليفيض ذاك اليوم تانوني

************

تانوني بصبركم نصـــرة العتره

وبيوم الفرج خــل تفرح الزهره

هذا اليوم أوانه الصاحب وفجره

هل ياليتنا كلكم تنصروني

*************

محـب الحسين
24-11-2014, 01:44 AM
بوركت اخي العزيز
جزاك الله خير الجزاء

خالد محمد مهدي الحجار
24-11-2014, 08:49 AM
ممنون اخي العزيزلمروركم وفيضكم العذب
مع الود
شكرا // ممنون

عاشقة ام الحسنين
27-11-2014, 08:09 PM
اللهم صل على محمد وال محمد وعجل فرجهم ياكريم
أحسنت الكلمات الراااائعة
بارك الله فيك

خالد محمد مهدي الحجار
27-11-2014, 09:59 PM
شكرا لفيضكم العذب
لاتنسونا بالدعاء للشفاء
شكرا // ممنون