المساعد الشخصي الرقمي

مشاهدة النسخة كاملة : ماأظنن(لسان حال زينب مع العباس عليهما السلام


خالد محمد مهدي الحجار
01-12-2014, 11:10 AM
((ماأظنن))

***

ماأظنن خويه بوجودك اعاني

ماأظنن أبقه محتاره بزماني

بعدك بغربه طحت

شلون بختك ماكَلت

******

جنت أعيش بسدَّك وأغفه وأنامن

عيونك التحرس عيوني واليحامن

بعد جفَّينك دكَلّـــــــــي أمشي ويامن

وخدري بعد الهيبه والغيره يرامن

يل عفتني بغربتي وحدي وتنيتك

يل عفتني بلوعتي بدمعي نخيتك

مالوم من عنّي بعدت

شلون بختك ماكَلت

******

صعبه ياخويه الليالي بغير جفَّك

عمري كَظّيته بسنينه وخدري يمَّك

هموم جنت أتشيل عنّي وآني همَّك

ألهل وعد حيدر يغالي ألي ضمَّك

ماخذتني تخله بيَّه ياحبيبي

ماخذتني جروحي تكبر ياطبيبي

بظيمي وآلامي عشت

شلون بختك ماكَلت

******

ياأسد خدري وزماني أتروح عنّي

بحيريتي أبقه اعاني وزاد ونّي

شعنده وياي الدهر ماخِذَك منّي

بيك يابو الفضل والله باقي ظنّي

صوَّبتني بالعمد وبسهم عينك

صوَّبتني وما أصل يمَّك وعينك

بس صدى صوتي أسمعت

شلون بختك ماكَلت

******

تدري نيران الخيم غيِّرت حالي

بصرخة أطفالك يساقي تاه بالي

أمشي بدروب اليسر طول الليالي

عله ظهر الهزل خدري بلآيه والي

محّنتني كربله بعد ك يحادي

محَنتني بظيمي وبدمعت أفّادي

خذت كلشي من رحت

شلون بختك ماكَلت

******

أبقه ويَّه دموع عيني أسهر الليل

دمعه تحجي ويَّه دمعه توصف الويل

زودي جان بقوِّتك والهمَّه والحيل

بعد ماظلِّي خدر من هجمت الخيل

غذّبتني أيامي بجفاك وبعادك

عذّبتني من خذت منِّي ودادك

ريت عميه ولاشفت

شلون بختك ماكَلت

******

محـب الحسين
01-12-2014, 07:24 PM
طيب الله انفاسك
وجزاك خير جزاء المحسنين

خالد محمد مهدي الحجار
01-12-2014, 10:29 PM
ممنون مع الود لفيضكم العذب
شكرا // ممنون

عاشقة ام الحسنين
04-12-2014, 07:48 PM
اللهم صل على محمد وال محمد وعجل فرجهم ياكريم
الله يـع’ـــطــيك الع’ــاأإأفــيه ..
.. بنتظـأإأإأر ج’ـــديــــدك الممـــيز ..

خالد محمد مهدي الحجار
04-12-2014, 07:55 PM
ممنون لمروركم وفيضكم بحروفه العذبه
شكرا مع الود
شكرا // ممنون