الدموع ولسان حال العقيله عليها السلام

[خالد محمد مهدي الحجار]

((الدموع)) (( أربعينيه))
*******
لدموع // ذوِّبت ويّاهه الجفن
لدموع // وطشّرت نوح وحزن
تبجي البقه بلايه دفن
*********
بدمعتي للغاضريه سبكَت الدمعات عيني
وصلت كَبور النشامه بالخبر ترجع تجيني
أرد أحاجيهه الدمعتي ألهه يسبكَني ونيني
بنوح ويَّه نوحه أبجي وذايب بكَلبي حنيني
أحجِي // ويّايه يادمع الصبر
أحجي // ماشوف بعيوني الفجر
ماتدري حالي ممتحن
تبجي البقه بلايه دفن
**
خذن حسرات لبصدري وزعنهه أعله الفواطم
حسره يم جثَّة الاكبر ولوعه يم جثَّة القاســــم
وصلن العباس ناخن يم كَبر بدر الهواشـــــم
ردَّن وأعرف شكَولن يريدين يم جفَّه لازم
باسن // جوده وجفوفه ورايته
باسن // درعه وطاسه وهامته
للخدر بجفوفه يمِن
تبجي البقه بلايه دفن
**
صرخه منهن أسمعتهه وين عنَّه أمَّه الترضعه
ليش هل المدَّه الطويله عافته وماجن تسمعه
بعد ماأعرف دموعي صارن بعين أمَّه دمعه
مثل لون الدمه صارن من يكَعده ومن يشبعه
يرضيع // سهم العطش بي ينفطم
يرضيع // علينه وعلى نحره الظلم
صدرأمَّه للساع يحن
تبجي البقه بلايه دفن
***
عالعليل أكصدن يمَّه واسن دموعه الحزينه
أله نشدنِّه بسؤالي كبر أخوي حسين وينه
الجواب أدموعه ردَّت اليوم عمَّه أربعينه
هناك كَبرالظامي وحده وكَبرحمّاي الضعينه
يتاماه // من اليسر ردّينه أله
يتاماه // بجّينه حتَّه كربله
لجبير وزغيِّر يون
تبجي البقه بلايه دفن
**
مشن ويّايه المكانه ووصلت وحضنت كبره
مفاركَينه صار مدَّه آه يمشابك الغبـــــــره
رباب وي ليله ورمله دمعه آه ودمعه حسره
وحده وحده تشكي همهه وبالصدر جمرة العبره
دارن // للروح يشكنله الهظم
دارن // بالنوح والون واللطم
بضعونه يموالي شتظن
تبجي البقه بلايه دفن
***
التمسكم الدعاء

[خادمة فضه]

موفق اخي الفاضل
جزاك الله احسن الجزاء

[خالد محمد مهدي الحجار]

من طبع الجفوف الأيد ترفعهه
وجف عباس الف راس أدنّك أتبوسه
*****
ممنون لمروركم وفيضكم بحروفه العذبه
شكرا مع الود
شكرا // ممنون

[عاشقة ام الحسنين]

اللهم صل على محمد وال محمد وعجل فرجهم ياكريم
عاشت الايادي رؤؤؤؤعات
بارك الله فيك

[خالد محمد مهدي الحجار]

ممنون لمروركم وفيضكم بحروفه العذبه
شكرا مع الود
شكرا // ممنون