المساعد الشخصي الرقمي

مشاهدة النسخة كاملة : دنيه الهجر


خالد محمد مهدي الحجار
20-12-2014, 06:58 PM
((دنيه الهجر ))
********
دنيه الهجر نوح وألم // يومي دمع وهموم
جرح بجرح جف وعلم // عالمشرعه لليوم
ظل الخدر يبجي وينوح غيابه
ظل الجرح ميريد طيب صوابه
******
يادنيتي شعندج بعد وي حالي
تاليه بالله وياج شنهو التالي
أتعنيتي بسهامج عله كل غالي
ضيَّعتي عن وجهي صبح آمالي
بجدّي الرسول وفاطمه // سرمدي صار الليل
والارض طبكَت عالسمه // ضاك الصدر بالويل
محراب وباب وسهم جبدي ذابه
ظل الجرح ميريد طيب صوابه
******
يمين الوفه فراشي ويساره غطايه
وهيبة وجوده خيمتي وسمايه
ووجود عباس البطل والرايه
بأسمه تسجَّل الفرات ومايه
من زغري رافكني الدمع // بعمري مناسيني
شامخه براسي وأرتفع // بأيَامي وسنيني
وجه الصبح لون البياض ثيابه
ظل الجرح ميريد طيب صوابه
******
الايام مالت بالمصايب وحزان
صوِّبت بسهام الاحقاد الايمان
حالي عله حالي أخذ صفنه وحيران
جدّي أخذ وأمي وأبويه وأخوان
الشمع أنطفه ذاب وصفه // وأبدي أعد حسرات
خلك أنسبه والهم لفه // بالآه والونات
من بعد عزّي العيشه بين ذيابه
ظل الجرح ميريد طيب صوابه
******
ماأطخ راسي ولاأذل الدهري
متحزمه بحزام أمي وصبري
بالليل الاسود غصبا يطلع فجري
الخدر الليالي بقه الساتر خدري
يمشي الصبر فوك الجمر // بطيحت حبيب الروح
غاب الفجر من العمر // وبكلبي خلّه جروح
لادار ظلَّت لاخدر بمصابه
ظل الجرح ميريد طيب صوابه
******
من أبو فاضل طاح غابت لنجوم
والكَلب بين ضلوعه خلآّه مالوم
ظلت سهام فراكَه بجبدي لليوم
والماي من شفافه باقي محروم
دنيه الغدر بيه العشكَ // ماي وهَوَه وأنسام
ماخاف أبد ويَّه الصدك // محسوبه هالايام
وبالدنيَه عليَّه مرت ناس غابه
ظل الجرح ميريد طيب صوابه

خادمة فضه
20-12-2014, 08:30 PM
جزاكم الله تعالى خير الجزاء
موفقون

خالد محمد مهدي الحجار
20-12-2014, 10:34 PM
ممنون لمروركم وفيضكم
مع الود
شكرا /ممنون

عاشقة ام الحسنين
12-01-2015, 09:56 PM
اللهم صل على محمد وال محمد وعجل فرجهم ياكريم
الله يعطيك الف عافيه
بارك الله فيك

احزان كربلاء
13-01-2015, 10:33 AM
شكرا جزيلا على القصيده
جزاك الله خير الجزاء

الشاعر سلام الكَريزي
28-08-2015, 12:25 AM
بارك الله فيكم