شرفنه خدمتك يبن الزجيَّه

[خالد محمد مهدي الحجار]

(( شرفنه خدمتك))
*****************
شرفنــــه خدمتك يبن الزجيه
يبن حيدر علي حامي الحميَّه
**--------------------**
يبو اليمه خدمتك تــاج عالراس
هم نوصل حدود الوفه عباس
لجَــــن الطود ويَّه الذر مينقاس
من مثله أخو وافه أخيَّه
**----------------**
نجيـــك أبلمَّت كلوب وعشكها
الكلب أيسابك الخطوه ولحكها
وصـل يم عتبتك والباب دكها
أأدخل سيِّدي راضي عليَّه
**-----------------**
تطوف بوسط صحنَّك منَّه ارواح
ترد أعلـــه الكلب وتشوفه مرتاح
تتبــــــــارك بنوره المنَّه وضّاح
يكلها بشارتك هاي الهديَّه
**------------------*
تعود بلهفه للشباج ترجـــاك
يبو اليمه تريد بشاره تنخاك
أنه ماريد هاي الدنيه لولاك
الكلب لتخلِّي يتباهه عليَّه
**-----------------**
الكلب والروح منَّه الصحنك أطّوف
مثل طفل اليحب صدر أمه ملهوف
نتعاهد ويـــــــــاك أنخوِّف الخوف
وتدوس أجدامه ذناب آل أميَّه
**---------------------**
نحتنه أعله الصخر وكتبنه عالماي
نلبّي يــــــــــــــوم ثاراتك يمولاي
فداك أرواحنا فد كلمــــــه فد راي
لجل محبتك تحله المنيه
**------------------**
يابخته الصفيت بكلبه محبوب
يابخته بسجلَّك اسمه مكتوب
أبمحبتك سيّدي ممحيّه لذنوب
تصعّدنه السفينه الكل سويّه
********
حبك بالكلب يسري بدمانا
ياطود الصبر انت رجانـــــــا
يادرب الحقيقة ومبتغانـــــه
نزور حسين رغم الداعشية.

[عاشقة ام الحسنين]

اللهم صل على محمد وال محمد وعجل فرجهم ياكريم
جزاكم الله خيرا
على الطرح الرائع
وفقك الباري وسدد خطاك