رَفعَة راس

[الشاعر ابو لقاء البهادلي]

رَفعة راس .. رفَعَة راس.. رَفعة راس

ابد مايثني حشدي ويطخ الراس ..

رَفعة راس ..

شوباش الدمه قدمهه لجل الناس !!

رَفعة راس ..

سوه امن المناحر خيمه بيهه نضيف ..

طگ عرج الجنوب وضوه هالنبراس ..

رَفعة راس ..

شَّد الرايه بالنوماس ..

من يغفه يتوسد حيله عالشاجور

واصبع عالزناد ..

وچيله بالترباس ..

رَفعَة راس ..

سواهه الصدور ادروع ..

تدي احساس ..

ماتيه طريقه ولا يرد اردود ..

حضن هذا الوطن ..

وبروحه دگ آساس !!

صاح بصوت ..

ماارضه اعله گاعي ارجاس ..

يداعش راح اذلك چي بلشت اوياي ..

فتية حيدره ماتخشه من الموت !!

رَفعَة راس ..

عشگناهه السواتر ..

والعشگ اسرار ..

ننام اعله المنايه والعزم ناطور

غيره ومرجله حشد الشعب ينقاس

رَفعَة راس ..

شدينه الكرامه احزام ..

وكت الغيض چن طوفان نتحول

وعلى اظهور الليالي ..

نربط احنه اسروج ..

ورفعناهه بشهامه راية العباس ..

رَفعَة راس ..

نتانيهه الشهاده بشوگ ..

ارض المعركه ..

چن عدنه مثل اعراس ..

شهيد العدنه ابد مامات ..

يفوح بزفته عطر المسچ والهيل ..

ويطشون الورد والياس ..

رَفعَة راس ..

طاري الموت مافارگنه بس يحوم ..

صراع اويه المنيه ومالوتنه بيوم ..

كل ضيج اليمر چلمتنه بيه لا باس

طبع الرافضي معروف ..

مايسكت ابد لو حگه منه يروح ..

ينطي الروح ..

لجل الراح ينطي الروح ..

ويهد هدة اسد مجروح ..

وهامات العده حدر الجدم تنداس ..

رفعة راس ..

من حشد الشعب ..

داعش يفر مذعور ..

ومن شوفه الدواعش تعلن الافلاس ..

الحشد اصبح درع للدين ..

وحب حيدر علي متوسط الانفاس ...

رَفعة راس .. رفَعَة راس.. رَفعة راس

ابد مايثني حشدي ويطخ الراس ..

رَفعة راس ..

[محـب الحسين]

أحسنت وأجدت
طيب الله أنفاسك

[عاشقة ام الحسنين]

اللهم صل على محمد وال محمد وعجل فرجهم ياكريم

أحسنت على الكلمات المميزة
يعطيك العافية

بارك الله فيك

[الشاعر ابو لقاء البهادلي]

احبتي في الله

الاخ محب الحسين

الفاضلة عاشقة ام الحسنين

شكرا على كرم المرور

[زاهر]

لافظَ فوك احسنت وفقك الله لكل خير..

[الشاعر سلام الكَريزي]

احسنتم