قصيدة ( حبك دلانه اعله الخالق ) ( عكيلي )

[عبدالله الشاعر]

اللهم صل على محمد وال محمد
*******************
ربنا الشاهد وي اكوانه
انته الاسلام وقرانه
*********
يحسين انته الخط الصالح *** يانور الاحرار الواضح
مابين الخاسر والرابح *** والوكفت يمّك ربحانه
**********
ربنا الشاهد وي اكوانه
انته الاسلام وقرانه
ربحانه وناتجها الجنّه *** ودمع الخدمه ايصير الحنّه
ولحبّك ناس التتمنّه *** بالمحشر صارت ريّانه
ربنا الشاهد وي اكوانه
انته الاسلام وقرانه
فرحانه اللي صاحت باسمك *** والذابت يحسين ابهمّك
هم الهمّك دم لدمّك *** وباسمك صاحت دنيانه
ربنا الشاهد وي اكوانه
انته الاسلام وقرانه
ضحينه ودرب الدم خالد *** وبالطف يحسين انته الشاهد
والصوت اللي هز الحاقد *** من حبّك صارت الحانه
ربنا الشاهد وي اكوانه
انته الاسلام وقرانه
يحسين ارجال الوصلتنه *** سرّت خاطرنه وفرحتنه
ضحولك بدموم اخوتنه *** هزّت هالظالم واركانه
ربنا الشاهد وي اكوانه
انته الاسلام وقرانه
مايتمكن سيف الظالم *** يمنع هذه الجيل السالم
والصوت اللي ابدربك حالم *** مايسكت والعز ديوانه

ربنا الشاهد وي اكوانه
انته الاسلام وقرانه
لو ميّة مرّه ايمنعونه *** انزورك والزحف ايشوفونه
كبرك شامخ مايمحونه *** يالحبّك عايش ويّانه
ربنا الشاهد وي اكوانه
انته الاسلام وقرانه

حبّك دلانه اعله الخالق *** ياسر القران الناطق
انته الهادي وانته الصادق *** والدنيا ابدونك ظلمانه
ربنا الشاهد وي اكوانه
انته الاسلام وقرانه

************************

بقلم خادم اهل البيت (ع)

عبدالله العتابي

[عاشقة ام الحسنين]

اللهم صل على محمد وال محمد وعجل فرجهم ياكريم

أشكرك على الكلمات الجميلة وراااقية


يعطيك العافية على الطرح المميز

[زاهر]

الله عليك يارائع بوركت اخي عبدالله العتابي
وفقك الله لكل خير قصيدة جميلة بمفرداتها
اسأل الله ان يمُن عليك بتمام العافية والخير..