المساعد الشخصي الرقمي

مشاهدة النسخة كاملة : قصيدة ( زينب والعيال )


عبدالله الشاعر
17-10-2015, 08:00 PM
حين صدّت للعيال اعيوني *** سالت الدمعه كبلّه اجفوني
*************************

صحت لا يابطل انهض تعال *** خويه شعلوا بالخيم نار الانذال
ويعد ماظن تحظر العيني محال *** خويه للشام ابيسر كادوني
**************************

من سمعت البطل يم النهر طاح *** انمرد كلبي وكبله جن الدمع صاح
كلت ياربي اظن كّفّّالي راح *** وعيني مشبوحه الحبيب اظنوني
**************************

خبر عندي عن سبي هالعايله *** بيها خبّرني الوصي عقد الوله
تنكطع جفيين راعي المرجله *** وكبلّه ياريت ابسهم كطعوني
***************************

بين حسرات والم اجري الدمع *** والمدامع عالوجن تلسع لسع
وضعي من بعد الكمر هاذه الوضع *** عكب عباس الشهم ظلموني
***************************

وبالظعن حين انظرت للعايله *** عكب ذاك الشبل راعي المرجله
ابعيني اشوفن جنها تسعر كربله *** وكلبي نيران الجفيل اظعوني
**************************

انظر العباس وعيالي تصيح *** يكلي عونج لو جنت هسه جريح
اشلون اعوفنج لون هسه صحيح *** وعكب عباسي تره اتولوني
**************************

بين حسرات والم كضيت العمر *** وناح ويايّه الصبر فوك الصبر
شلون بيه من تشب نار الجمر *** وكبلّه ياريت ابكبر دفنوني

___________________
بقلم خادم اهل البيت (ع)
الشاعر الحسيني
عبدالله خلف العتابي

خادمة فضه
17-10-2015, 09:52 PM
موفق اخي الكريم لكل خير
في ميزان اعمالك ان شاء الله تعالى