المساعد الشخصي الرقمي

مشاهدة النسخة كاملة : قصيدة من الشعر الشعبي بحق وفاة كريم أهل البيت الأمام الحسن المجتبى


فارس محمد الوائلي
20-11-2015, 12:12 AM
بسم الله الرحمن الرحيم
أخوتي السلام عليكم و رحمة الله و بركاته
عظم الله لكم الأجر بحلول ذكرىوفاة الأمام
الحسن المجتبى ( ع ) .أقدم لكم
قصيدة شعبية من وزن الهجري بحق كريم أهل البيت
الأمام الحسن ( ع ) أرجو أن تنال إعجابكم .



على امصاب الحسن زينب تون و المدمع جره
و حضرت ابهاي المصيبه الليله أمها الطاهره
و بالونين اتهامسن******آه يمصاب الحسن
يا مسموم***يا مسموم

**********************

زينب اكبال ابو محمد كاعده و تتأمّله
اﺗكلّب ايساره و يمينه و بالجفوف اتقبّله
و لونها ابلونه ايتغيّر و المدامع هامله
و من تغيب الروح منّه اتطيح ميته اعله الثره
و ترد تصحه و تندبه*****و بألمها اتخاطبه
يا مسموم***يا مسموم

**********************

بين ما زينب و اخوها ابهالمصيبه المؤلمه
ساعه لن ضجّت الدنيه و نزلت املاك السمه
اتصيح يهل الدنيه غضّوا البصر حضرت فاطمه
إجت عند الحسن أمّه بالموادع تحضره
إجت محنية ضلع*****اتصيح و اتهل الدمع
يا مسموم***يا مسموم

**********************

لمّن الدار ابو محمد موكب الزهره وصل
اﺗكلها زينب هله اﺑﺠﻳﺗج يالزجيه ابهالمحل
ويلي يم الحسن شوفي الحسن باحضان الأجل
ايعالج ابسمّه و جبدته من لضاه امفطّره
كابليني اعله العزاء******و ساعديني ابهالنداء
يا مسموم***يا مسموم

**********************

فاطمه اتكلها يزينب سنّديني ابمشيتي
امن الضلع محنيّه اﺠﻳﺗج و المصيبه امصيبتي
اشلون عند الحسن أحضر و آنه هذي حالتي
و من لضه سم البكلبه نار كلبي اموجّره
و آنه كلبي من يون******يسحن بضلعي سحن
يا مسموم***يا مسموم

**********************

فاطمه عد راس ابنها الحسن كعدت بالونين
ضمّته ابشهكة ألمها و قبّلت منه الجبين
و جالت الزهره نظرها و شافت ابكتره الحسين
ايصبّر اكلوب العيال و يمه سبع اﻟكنطره
طفح عزمه الخوّته*****و بسمه صارت نخوته
يا مسموم***يا مسموم

**********************

فتح عينه الحسن لمّه و شافها و هل مدمعه
اﻳكلها يا يمه العقيله لا تظل امروّعه
و التفت لحسين أخيه ابكلب دامي ايودّعه
ساعه لن جابوا القاسم صار ابوه ايخبّره
و بوصيته ايكلّفه******و صاحت كلوب الوفه
يا مسموم***يا مسموم

**********************

و الحسن غمضت عيونه عكب ما أدّه السلام
و عصف جو الحزن بينه و حل على العالم ظلام
و هتف بعنان السماء السابعه ناعي الإمام
او وكف دور الكون لجله و الافلاك السايره
و الاملاك الحضرته******بالنـوايح نادته
يا مسموم***يا مسموم

**********************

كبّر اصياح الهواشم و اجت كلها و حضرته
و شالو اعله الروس نعشه و شيّعوها اجنازته
لاجن أم الجمل رفضت يصل جدّه و منعته
و رشكته اسهام النواصب رمت نعشه الغادره
و من ضريحه المصطفى******صرخ صرخة عاطفه
يا مسموم***يا مسموم

**********************

ارد احشم يالزجيّه اليوم امامي المنتظر
ما جزع من غمده سيفه و لا تململ و انتهر
لسّه يتنطّر ظهوره ثار محزوز النحر
و هذا كبر الحسن عمّه ايصيب كلبي منظره
روحي من ارض الذبيح******توصل الكبره و تصيح
يا مسموم***يا مسموم

**********************

بقلمي المتواضع
خادم الحسن (ع)
فارس الوائلي

ابن الشاعر
20-11-2015, 05:36 PM
عظم الله لكم الاجر بذكرى استشهاد الحسن المجتبى عليه السلام
تقبل الله ماتجودون به في رحاب العترة الطاهره وجزاكم بكل حرف حسنه
لكم منا كل التقدير

محـب الحسين
20-11-2015, 10:22 PM
أعظم الله لكم الاجر
وأحسن لكم العزاء
بذكرى استشهاد الامام الحسن المجتبى عليه السلام
طيب الله أنفاسكم الزكيه

فارس محمد الوائلي
21-11-2015, 12:26 AM
بسم الله الرحمن الرحيم
السلام عليكم ورحمة الله و بركاته
عظم الله لكم الأجر باستشهاد الإمام الحسن المجتبى
جعلني الله و أياكم من الذاكرين له و الباكين على مصابه

أستاذي العزيز الشاعر الكبير أبو مهدي
انا في غاية الأمتنان و الشكر على
تلك المشاركة الكريمة و العبارات
اللطيفة فجزاك الله عني الف خير

فارس محمد الوائلي
21-11-2015, 12:35 AM
بسم الله الرحمن الرحيم
السلام عليكم ورحمة الله و بركاته
عظم الله لكم الأجر باستشهاد الإمام الحسن المجتبى
جعلني الله و أياكم من الذاكرين له و الباكين على مصابه


الأستاذ العزيز ابو محمد . أنفاسكم الحسينية المخلصة
هي الأطيب دمتم و دام عطائكم الثر لخدمة العترة الطاهرة

عاشقة ام الحسنين
15-11-2018, 03:23 PM
اللهم صل على محمد وآل محمد وعجل فرجهمياكريم
ربي ‏‎يعطيك الف عآفيه
على الطرح الرائع
بارك الله فيك

( وهج الإيمان )
03-09-2022, 09:25 PM
السلام على المكروب
السلام على الشهيد السعيد
السلام على صاحب الكبد المقطع بحر السموم
أحسنتم
مأجورين