مو بدينه گلوبنا طيبة او حنينه

[زاهر]

مو بدينا گلوبنا
طيبة اوحنينه
واگلوب وادم حاقدة
او تحمل ضغينة
للأسف ماحسّبينا
مو بدينا

گبل طيبة الناس
ماتحمل كره
اوفطرة ممزوجة
ابترافة شوگ منها
اوما لگينا
موبدينا

ادموعنا اوية ارواحنا
صارت رخيصة
ماظل بعد عدنا فرق
بين ليل او لون اسود
اكتبنا بيه اشعارنا
والقافية اغلبها
حزينه
مو بدينا

اوبين دمعات او مطر
خضّرت بينا المحبة
لكن ابلايا خجل
شوگنا غاب او ذبل
كلمن ابوجهه بعد
ننطيه طينه
مو بدينا

ابهالوطن
ماظل حضن
اتربّع ابفينه الحزن
ويا دموع اتذكّرينا
لو نسينا
مو بدينا
~~~~~~~~~~~
✍ >>زاهر المعموري

[محـب الحسين]

أحسنت حجي
طيب الله أنفاسك
وجزاك خير جزاء المحسنين

[عاشقة ام الحسنين]

اللهم ص على محمد وآل محمد وعجل فرجهم ياكريم

أحسنت على الكلمات الرااائعة

بارك الله فيك على الطرح الجميل