المساعد الشخصي الرقمي

مشاهدة النسخة كاملة : ها يدجلة ماشبعتي من الشباب


زاهر
17-05-2016, 06:49 AM
لقرب الذكرى الفاجعة لمجزرة العصر نتقدم بأسمى ايات التعازي لذوي شهداء هذه الفاجعة المؤلمة
اجتهدت بهذه الابيات مواساتً لهم أقول:-
من البوذية

الغدر منهم وبيهم من وشالك
طحت ابنهر دجلة منهو شالك
غيرالنبي اوأهله من وشالك
شهيد سبايكر هاب المنية
ه ه ه ه ه
الأبيات

ها يدجلة ماشبعتي امنالشباب
وگلوب اهلهم بالجمر لهبانه
ه ه ه
موقفچ ينرادله وكفة اوعتاب
شلون ننسه المجزرة اوتنسانه
ه ه ه
شنهو فرقچ بالذنب عن الفرات
واشلون اقارن ياتره وكيف انه
ه ه ه
ذاك خله اعيوننه تذرف دمه
وبعد. خله اچبودنا ضمآنه
ه ه ه
انتي محتفظة ابجثث ماتو غدر
ما وكف مايچ ولا خجلانه
ه ه ه
ما اعتبّچ ياللي ضميتي الجثث
وبقت حسرة الهالوكت لهفانه
ه ه ه
حتى ماننساهه ابد هالمجزرة
نخط أسم سبايكر بدمانه
----------------
آه يالذكراچ هيجتي الجرح
چان غافي من سنة او صحّيته
ه ه ه
ضمديته ابأه وابجور الزمان
مابره اوبالنوح انه شديته
ه ه ه
ذولة اشباه الزلم صارو سباع
والغدر معروف بيهم صيته
ه ه ه
ما الوم اللي يوصّفهم اشباه
شنترجه باللي من هند تربيته
ه ه ه
والمجازر بينا من يوم الطفوف
الم بية او جرح ما داويته
ه ه ه
شلون اداوي هوه كلساه منلچم
انوب وية سبايكر خاويته
ه ه ه ه ه ه ه ه ه ه
✍>>زاهر المعموري

محـب الحسين
17-05-2016, 06:55 AM
رحم الله شهداؤنا الأبرار
احسنت اخي العزيز
طيب الله انفاسك

عاشقة ام الحسنين
19-06-2016, 03:11 PM
اللهم صل على محمد وآل محمد وعجل فرجهم ياكريم

بارك الله فيك على الطرح الراااقي

يعطيك العافية على الطرح الكلمات المميزة