ولادة الزهراء عليها السلام

[ابن الشاعر]

زاد الفرح بالشعر انشادي=وانمله كلبي لضنوة الهادي
والنور هل وفاح بام القرى=يوم الاجه بعشرين جمادي
************
اليوم فرحت بيه ارض وسما=اليوم شافو بيه وجه فاطمه
خلي نهني اليوم حامي الحما=يفرح ويانه الجبل والوادي
والنور هل وفاح بام القرى=يوم الاجه بعشرين جمادي
************
امه خديجه اليوم بيه اطلكت=حوريه ومن الجنه هي اجت
ابوها بشر بيها حين اولــــــدت=للناس بيهم حاضر وغادي
والنور هل وفاح بام القرى=يوم الاجه بعشرين جمادي
************
الله الخلك للناس هاي الدره=وسماها رب الكون باسم الزهره
معصومه من ربي وتقيه وحره=من خير اباء واجدادي
والنور هل وفاح بام القرى=يوم الاجه بعشرين جمادي
************
تشفع الشيعتها بيوم المحشر=الله النبيه انطاه هذا الكوثر
زهراء هي بالسما هم نزهر=تلمع مثل الكوكب البادي
والنور هل وفاح بام القرى=يوم الاجه بعشرين جمادي
************
يله اهني للامام المهدي=وانطر ظهوره وبيه اجدد عهدي
باروحنا كله لعيونه تفدي=يوم النصر قادم يااولادي
والنور هل وفاح بام القرى=يوم الاجه بعشرين جمادي
************
لخادم اهل البيت
ابو مهدي عادل النجفي

[محـب الحسين]

مبارك عليكم الولادة الميمونة اخي العزيز ابو مهدي
أحسنتم وأجدتم
جزاك الله خير جزاء المحسنين

[ابن الشاعر]

نبارك لكم ميلاد سيدتنا الزهراء عليها السلام
وشكرا لكم لتصليح الخطا الاملائي
ربي حفظكم ويرعاكم
اخ الكريم ابو محمد

[عاشقة ام الحسنين]

اللهم صل على محمد وآل محمد وعجل فرجهم ياكريم
ربي يعطيك الف عآفيه على الطرح الرائع
لاحرمنا الله من تميزك الراقي
بآنتظار جديدك المتميز بشوق