بعيد وكلبي يمك ساكن سكون

[عاشق تراب كربلاء]

[بعيد وكلبي يمك ساكن سكون
رفضني وما بعد يسكن ضلوعي00
ترجيتة وردت لكنـه مجـنون
تركني وراح الك ماعاد طوعــي00
تاخذني وتردني أشكال الظنون
وتفضحني من اسولفلك دموعـي00
دنياي أظلمت لاطعم لا لون
إنطفت من سافرت بعدك شموعي00
لوّن سجاني انت وآنه مسجون0
أعيش بسجنك أرضى وكيف ميكون0
أخضعلك أنا وشتكول ممنـون0
ولغير الله وإلك ماصح خضوعي00

لوما انت بحياتي آنه ماكون0
ومنو يعوضك إلي ياماي العيون0
أنا لجلك أبيع الروح وتهون0
وأبدّل ملتـي وأصبـح شيوعــي00
****************
ميّت عليك وعلي 00 ودموعي الاشهود
جمرات من فركتك00 نزلت عــالاخدود
صح انت غايب علي0 بس بيـة موجود
مجاور جدار الكلب00 وبنبضي مشـدود
يالبيك مثلي أنـا00 حسرة وحزن ممدود
مولود من عاشرك00 والفاركك مفـقــود
****************

أدريك العذاب وأدري دربك شوك
وأتعنى إعلى دربـك وأمشي حـــافي00
لامـوني بغــلاك النـوب غلــــّوك
وصرت مثل النبض بضلوعي غافي00
-----------------------------------------------

[عاشقة الابتسامه]

يااسلام كلمات جدا جميله

عاشت اياديك اختي الغاليه

لاخلا ولاعدم